زێرەڤان تەمو جالاکڤانێ مەدەنی: كهرتێ پهروهردێ رولێ خو بگێریت و گرنگیهكا باش ب دادپهروهرى، یهكسانى، مافێ مروڤى و رێزگرتنێ بدهت
25 نۆڤهمبهرێ ل جیهانێ ب رۆژا بهرهنگاریا توندوتیژیا ههمبهر
ژنان هاتییه دهست نیشانكرن ژبال نهتهوێن ههڤگرتى ڤه، ب بریارا ههژماره (
54 /134 ) و ئهڤ گاڤه ژى پشتى وێ رویدانێ دهێت كو دڤێ رۆژێ دا ل كومارا دۆمینیكان
ل سالا 1960 ژبال حوكمداریا سهربازى یا دیكتاتوریا
ڤێ كومارێ 3 خوشك ب ناڤێن ( پاتریا ، مینیرفا ، ماریا تیریزا میرابال ) پشتى دهێنه
رهڤاندن و دهست درێژیا سێكسى دگهل وان تێتهكرن ب رهنگهكێ دراندانه دهێنه
ئهشكهنجهدان و پاشرا ژى دهێنه كوشتن.
زێرەڤان تەمو
جالاکڤانێ مەدەنی د ڕۆژا جیهانیا بهرههنگاربوونا توندوتیژیا دژی ئافرەتان دبێژیت:
پشتى ڤێ كارڤهدانێ ل سهرانسهرى جیهانێ سالانه لڤێ رۆژێ بزاڤێن جورا و جور مینا
سمینار و خۆپیشاندان و نهرازیبوون لدۆر(بهرهنگاربوونا توندوتیژیا خێزانێ، پرسا یهكسانیێ،
فره ژنى، ههرهشهكرن و برینداركرن و بازرگانى كرن ب گیانێ ژنێ ، ب شوو دانا زارۆیان
، نهچاركرنا ژنێ ب خۆ سوتاندنێ و خهندقاندنێ و شكاندن و برینداركرنا ههستێ ژنێ
.. هتد )دهێنه لدارخستن .
گوت ژی:
ئاشكرایه ژى سهربارى وێ ئێكێ كو ل جڤاك و كومهلگههێ مهیێ كوردى ژنێ رێز و
روومهتیا خۆ ههیه ههردهم تهمام كهرێن ههڤدوو بوینه دگهل زهلامى لێ دڤێت
پتر گیانێ رێزگرتن و لێبوورین و ههڤدو قهبولكرنێ ل جهم تاكێن جڤاكى بهێز بیت،
ههروهها رێك ل توندى و تونكاریێن ل ههمبهر خێزانێ ب ههمى ئاوایان بهێنهگرتن
.
زێدەتر گۆت
ژی: كو دیاره توندوتیژى بهرامبهر ئافرهتا كورد ب درێژاهیا دیروكێ ههبوویه و
ههتا گههشتییه قوناغا ئهنفالان دیسان هاتنا داعش گهلهك توندوتیژى بهرامبهر
ژنێن ئێزدى و دهشتا نهینهوا هاتهكرن و كرین و فروتن و زۆریا سكسى لگهل هاتهكرن،
ئاشكرا یه ژى سالانه ژبال حكومهتا ههرێما كوردستانێ ههوا نشتیمانیا بهرهنگاربوونا
توندوتیژیا دژى ژنان بۆ دهمێ چهند ههڤتیان تێته راگههاندن.
ناڤبڕی دا
دیارکرن: ئهگهر وهكو ئاماژه یهك گرنگترین وان خالان بدهینه خویاكرن كو زهلام
توندوتیژیێ ل ههمبهر ژنێ بكار تینن ب دیتنا من بۆ ڤان خالان ڤهدگهرێت ئهو
ژى:-
ـ نزمیا ئاستێ
خوندنێ و تێگههێ ئایینى.
ـ قهیرانا
ئابوورى و كێم بوونا داهاتى .
ـ زۆریا
تاكێن خێزانى و بێكارى .
ـ جیاوازیا
مالباتا ئافرهتێ و زهلامى ئهفجا ئهڤ جوداهییه یا جڤاكى بیت یان ئابوورى یان
ژى جهێ كاركرنێ .
ـ ههبوونا
گرفتان ل پهیوهندیێن ههڤژینیێ دا دناڤبهرا ژن و زهلامان .
ـ بریاردانا
تاك ئالیانه دناڤبهرا زهلام و ئافرهتێ لدۆر پرسێن مال.
ـ زۆریا یاسا
یێن ولاتێن پاشكهڤتى .
ـ داب و نهریتان
ژى رولێ خۆیێ نهرێنى گێرایه .
ـ ب كارئینانا
ئامێرێن پهیوهندیكرنێ و تورێن جڤاكى و ب رهنگهكێ نهباش.
و دوماهیێ
گوت: لهوما ب فهر دبینم كو كهرتێ پهروهردێ رولێ خو بگێریت و گورانكاریان د سیستهمێ
خودا بكهت و گرنگیهكا باش ب دادپهروهرى و یهكسانى و مافێ مروڤى و رێزگرتنێ
بدهت، ههروهها ماموستایێن بهرێزێن ئایینى و گوتاربێژ رولێ خۆ بگێرن دڤى بیاڤى
دا، ههروهها ب ئێكجارى چهك بهێته قهدهغهكرن بۆ كهسێن سڤیل، چاڤدێریا تورێن
جڤاكى بهێتهكرن و پوستێن هاندانا توندوتیژیێ ب ههمى رهنگان بهێنه قهدهغهكرن
و رێكخراوێن جڤاكێ سڤیل و ئافرهتان پتر و ئهكتیڤتر كاربكهن، ههروهها كوشتنا
ژنێ لژێر ههر ئهگهرهكێ بیت دڤێت بكوژ بهێته سزادان و ئهو تاوان وهكو ههمى
تاوانێن كوشتنێ بهێتهدانان و گهلهك جاران دهندهك بواراندا پشتى ژن دهێته
كوشتن ب ئهگهرێ پێك هاتنا هوزایهتى ( سولحا عهشايرى ) تاوانبار دهێته
ئازادكرن دڤان جوره بواراندا یاسا بتنێ دروشم دمینیت، سهربارى كو ههژمارهكا یاسایان
هاتینه دهرئێخستن بۆ بهرژهوهندیا ژنێ لێ دڤێت هژمارهك ژ وان یاسایان ژى بهێنه
راست ڤهكرن بۆ بهرژهوهندا ئافرهتێ و پاراستنا كهسایهتى و ماڤ و رولداریا وێ
دنێڤ جڤاك و گهلێ خۆدا .
ئامادهكردنی
:جیهان حجی، ئاکرێ