سه‌نته‌رێ راوێژكاریا خێزانێ بویه‌ هوكاره‌ بو كێمكرنا كرنا ئاریشه‌یێن خێزانى

هەمەجۆر
17/11/2020

سه‌نته‌رێ راوێژكاریا خێزانى ئێكه‌ ژ پروژێن ئستراتیجى یێن رێڤه‌به‌ریا به‌رهه‌نگاربونا توندوتیژیا دژى ئافره‌تان و خێزانێ ل دهوكێ و سالا 2012ى َهاتیه‌ دامه‌زراندن ژبه‌ركۆ خێزان بنیاتێ جڤاكى یه‌ ژێكڤه‌بونا خێزانێ دبیته‌ ئه‌گه‌رێ ژێكڤه‌بون و لاوازبونا جڤاكى .
(ماریان وردا خوشو ) به‌رپرسا سه‌نته‌رێ راوێژكاریا خێزانى یه‌ ل پارێزگه‌ها دهوكێ  ل رێڤه‌به‌ریا به‌رهه‌نگاربونا توندو تیژیا دژى ئافره‌تان .لدوور كارێ سه‌نته‌رى نافهاتى بو به‌لاڤوكا( هێلین- روژناما هه‌ولێر)دبێژیت : سه‌نته‌رى َراوێژكاریا خێزانى ل سالا 2012ى َهاتیه‌ دامه‌زراندن و كاردكه‌ت ژبو بهێزكرن و ئێكگرتنا خێزانێ و هه‌تا نوكه‌ شیایه‌ ب رێكا كه‌سانێن شاره‌زا دبوارێ  ( یاسایى و ده‌روونى وكومه‌لاتى ) هه‌روه‌سا ب خزمه‌تێن خوه‌یێن تایبه‌ت گه‌له‌ك كێشه‌ییان چاره‌سه‌ربكه‌ت ب تایبه‌ت كێشه‌یێن دناڤبه‌را هه‌ڤژینان دا و رێگرى كریه‌ ل جودا بونا هه‌ژینان  به‌روڤاژى وێ چه‌ندێ یاكۆ گه‌له‌ك خه‌لك خه‌له‌ت هزرتیدا دكه‌ت ژبه‌ركۆ گه‌له‌ك ئاریشه‌ مه‌ لڤى سه‌نته‌رى چاره‌كرینه‌ بێى كۆ جودابون بكه‌ڤیته‌ دناف خێزانێ دا یان خێزان بكه‌ڤیته‌ به‌ر گوتنێن كرێت یێن كومه‌لگه‌هێ..
هه‌ر ژبو زێده‌تر زانین لسه‌ر جیاوازیا رویدانێن بو ڤان سه‌نته‌ر و رێڤه‌به‌ریا دچن و
لدیف زانیاریێن باوه‌رپێكریێن بده‌ست مه‌ كه‌فتین وه‌ك به‌شێ په‌یوه‌ندى و راگه‌هاندنا ئه‌نجومه‌نێ ده‌وروبه‌رێن دهوك یێ ئێكه‌تیا ئافره‌تان  ل سایتێ رێڤه‌به‌ریا گشتى یا به‌رهه‌نگاربونا  توندوتیژى دژى ئافره‌تان و خێزان دیاربویه‌  .خوشبه‌ختانه‌  رێژا توندوتیژیێ ب گشتى ل سالا 2020ێ كێمتر بویه‌ ژ سالا 2019ێ
ل كوردستانێ  بڤى شێوه‌یى ئامار هاتیه‌ دیاركرن (جیاوازیا شه‌ش هه‌یڤێن مه‌ها 2019ێ دگه‌ل 2020ێ
ل سالا 2019ێ / رێژا كوشتنێ (22) ، خوه‌كوشتن (32 ) ،خوه‌سوتن (58) ،سكالا( 4972)
جیاوازى دگه‌ل سالا 2020ێ/ رێژا كوشتنێ (3) ، خوه‌كوشتن (13 ) ،خوه‌سوتن (26) سكالا( 1202) هه‌روه‌سا رویدانێن سكسى ( 47) .،
ل پارێزگه‌ها دهوكێ ژى بڤى شێوى بوینه‌ .
لدیف ئارامار( 2 ) رویدانێن كوشتنێ هه‌بوینه‌ و (7)رویدان یێن خوه‌كوشتنێ و (7) رویدان یێن خوه‌ كوشتنێ و ( 12) رویدان یێن خوه‌سوتنێ و زێده‌بارى ( 970)ێ سكالا هاتینه‌ توماركرن و رێژا توندوتیژیا سكسى گه‌هشتیه‌ ( 13) رویدانان .سه‌رجه‌مێ گشتى دبیته‌ ( 1016 )رویدان .

ئاماده‌كردنی :رێژین نهێلى

Designed and developed by AVESTA GROUP