چۆن پارێزگاری له ددانی منداڵه‌كه‌م بكه‌م؟
دكتۆره (ئیلاف نادر) بەکالۆریۆس لە
پزیشکی نەشتەرگەری دەم و ددان ، وه‌ڵامی ئه‌و پرسیارانه ئه‌داته‌وه كه رۆژانه دایكان به‌دوای وه‌ڵامه‌كه‌یدا ده‌گه‌رێن.
1-کەی منداڵەکەم یەکەم ددانی دێت؟
زۆربەی دایک و
باوکەکان ئەو پرسیارە دەکەن، بەڵام زۆربەی كات ددانی یەکەمی منداڵەکە لە دەوربەری
تەمەنی (٦) مانگی دەردەکەوێت و بەشێوەیەکی سروشتی یەکەم ددان کە دێت ددانەکانی بەشی
پێشەوەی شەویلگەی خوارەوەی منداڵە ، ناوە زانستیەکەشی (central incisors)
چەند ئاماژەیەکی
ددان ھاتن لەمنداڵاندا بریتیە لە:
گریان، کەم خەوی،
کەمبوونی خواردنی ، گازگرتنی ھەموو شتێک ، زۆر بوونی لیکی دەم، سوربوونی ئەو بەشەی
پوک کە ددانی لێوە دەردێت.
2-ھاتنی ددانی منداڵ بە ئازارە؟
و/ زۆربەی جار لەکاتی
ھاتنی ددان دەبێتە ھۆی ناڕەحەت بوونی بۆ ماوەی چەند ڕۆژێک ، بەڵام دەکرێ کاتەکە زیاتر
بخایەنێت لە ھەندێک منداڵدا.
3-چۆن ھاوکاری منداڵەکەم بکەم بۆ کەمکردنەوەی ئازاری ددانی؟
١-لاستیکی تایبەت
ھەیە بۆ منداڵان دەتوانێت بەکاری بھێنێت بۆ گازگرتن بۆ ئەوەی ئازاری کەم ببێتەوە ،
ھەروەھا ئاسان کردنی دەرچوونی ددانەکان.
٢- دەست لێدان لەشوێنی ددانەکە و مەساج
کردنی بە پارچە پەڕۆیەکی تەڕ بۆ کەمکردنەوەی ئازار.
٣-بەکارھێنانی ئازارشکێن
4-منداڵەکەم ١٠ مانگە و ھێشتان شوێنەوارێکی دەرچوونی ددانی دیار نیە، پێویست داکات نیگەران بم؟
کاتی دەرچوونی
ددان لە ٦ مانگی دەست پێدەکات ، بەڵام ئەگەر ٦ مانگیتر تاخیر بوو یانیش زووتر ھات ئاساییە ، بەڵام ئەگەر کاتەکە لەوەی زیاتر
خایاند بەڵێ پێویست بە نیگەران بوون دەکات و دەبێت بە دواداچونی بۆ بکرێت.
5- چیبکەین بۆ ڕێگەگرتن لە کلۆربوونی ددانی منداڵەکەم؟
١- ددانی بشوات بە مەعجوونی تایبەت بە منداڵان ، ڕۆژانە ٢ جار
٢- وازھێنان لەو خواردنانەی کە شەکریان تێدایە
یان کەمکردنەوەی ڕێژەکەی
٣- سەردانیکرنی دکتۆری ددان ٣ مانگ جارێک
٤- خواردنی خواردەمەنی ڕیشاڵی زیاتر.
5-چۆن ددانی منداڵەکەم بپارێزم؟
و/ بۆ ھەموو ئەو
دایکانەی کە منداڵەکەیان شیرەخۆرەیە دەتوانن کە منداڵەکەیان خەوت پارچەیەک پەڕۆ تەڕ
بکەن یاخود پارچەیەک (لەفاف یا گۆز) تەڕ بکەن بەشێوەیەکی جوان دەم و ددانی منداڵەکەی
پێ خاوێن بکاتەوە .
ئاماده‌كردنی: دڵخواز
هه‌ولێری