کچا نڤیسکارا دەڤەرا ئاکرێ

فاطما حەجی ئاکرەیی دایک بویا ١٩٩٩ێ یە و قوتابیە ل کولیژا تەکنیکی تەندروستی شێخان / ل بەشێ (تەکنەلوجیا تاقیکرنێن نوژداری(
وەکو یا دیار ژبلی خواندنا زانکویێ فاطمایێ بەریا سالەکێ دەست ب وەڕگێرانێ کرییە و بەرھەمێ خویێ ئێکێ ب ناڤێ (٢٩٥ پەندێن ناڤداران) بەلاڤکرییە،فاطمایا خۆدان شیان شیاییە ئەڤان ٢٩٥ پەندان ژ زمانێ عەرەبی وەرگێریتە سەر زمانێ کوردی.
ناڤھاتی دبێژیت: سەبارەت ھزرا من بۆ نڤیسینا پەرتووکێ  پشتی کو ئەڤان پەندان کارتێکرن ل من کری من فەر دیت شیانێن خۆ دەربێخم و ڤێ بەھرا ل دەڤ من ھەی د ناڤ کومەڵگەھا خۆدا بەلاڤ بکەم داکو کارتێکرنێ ل تاکێن کومەڵگەھێ بکەت و جڤاک و مللەتێ من مفای ژێ ببینن..

وەکو یا دیار ئێکەم کچ بوییە د ئاکرێ دا دەست ب نڤیسینێ کری ژ لایەکی ڤە جھێ داخێ بۆیە کو ئێکەم کچ بوییە د ئاکرێ دا ژبەرکو زۆربەیا زۆریا گەنجان دبینین خودان شیانن و بەھرەیێن ھەین د بیاڤێن جودا جودا دا لێ ژبەر ھندەك بنەمایێن پاشکەفتی دوودل بوینە ژ دەرئێخستنا شیانێن خۆ،و ژلایەکێ دیڤە کەیف خوش بوینە ژبەرکو  ئەڤ کارێ فاطمایێ کری بوییە ڤەکرنا رێکێ بۆ گەلەک گەنجێن باژێری.

فاطمایێ دگوت: ھەردەم دایک و باب یێن من پشتەڤان و پالدەر بوینە و چجاران بۆ پێشڤەچون وھاتنا من بۆ مەیدانا ڕەوشەنبیریێ دوودل نەبوینە، ھەماھەنگی و ھاریکارییا خەلکێ ئاکرێ ب گشتی یا بێ سنوربوو ، ب تایبەتی ڕێڤەبەرییا ڕەوشنبیری و ھونەری ل ئاکرێ کو پەرتووکا من ئێکە ژ بەرھەمێن ڕێڤەبەرییا ڕەوشنبیری و ھونەری ل ئاکرێ
دەستخوشیێ ل ڕەنج و ماندیبوونا وان دکەم ژبەرکو ھەردەم پشتەڤانن بۆ پێشڤەچون و دەرئێخستنا شیانێن گەنجان.

ڕاستە ل دەستپێکێ دێ یاب زەحمەت بیت بۆ کچێ ئەگەر بھێتە مەیدانا ڕەوشنبیریێ دا تایبەتی ئەگەر ل دەڤەرەکا عەشائیری، گرتی دا بژیت،ژبەرکو دێ گەلەک رەخنەیێن شکەستنێ ھەبن بەلێ یا گرنگ خۆڕاگرییە ،ب ھێزبونە، سەرھەلبوونە داکو بەردەوام بین و شیانێن خۆ نەکەینە قوربانیێن  گوتنێن بێ مفا.

 ناڤھاتی یا مژویلی ئامادەکرنا بەرھەمەکێ دیترە ب ھیڤیا  بەرھەمێن جوانتر و مفاتر.

ل دوماھییێ سوپاسیا  فاطمە حجی دکەین بو ڤێ دیدارێ دگەل مە ئامادەبویی و داخوازا سەرکەفتنێ بو دکەین.