خه‌ڵاتی رێزلێنان به‌خشرایه‌ ئافره‌تانی به‌هره‌مه‌ندی سۆران

هەمەجۆر
پێش 2 هەفتە

 لەژیر چاودێری دکتۆرە ڤیان سلێمان سکرتێری یه‌كێتی ئافره‌تان کوردستان خەڵاتی رێزلێنان درایە ٧٥ئافرەتی سۆران.
بەهرەکان هەرچیه‌ك بن گەر خودی مڕۆڤەک خاوەنی بێت جێی ستایشە بۆ کۆمه‌ڵگه‌كه‌ی جا چ ڕەگەزێک بێت.بۆ یەکەمجار لە قەزای سۆران ئەو ئافره‌تانه‌ی بەهرەمەندن لە بوارەکانی جیاجیا وەک وێنەکیشان و درومان، هونه‌رمه‌ند، موزیکژەن و شاعیر، و دروستکردنی کەلوپەلی ناوماڵ بە مادە کیمیاکان و ێکسواراتی کوردەواری، لەم چالاکیە کە ئەنجومەنی سۆران خاوەنی ئەم بیروکەی بۆ ئافرەتانی شارەکه‌ی لە مەراسیمێکی شایسته‌دا لە پارکی گۆلان کۆکردە و بەهرەکانیان نمایشکراو دواتر خەڵاتی رێزلێنانیان پێبەخشرا لە لایه‌ن کەسایەتی حزبی و حکومیەکانی دەڤەرەکە.

نازەنین عه‌زیز بەرپرسی ئەنجومەنی سۆران دەڵێتك بۆ زیاتر گرنگیدان بە بەھرەو توانای ئافرەتان و ھاندانیان لە بەرەو پێ بردنی تواناکانیان کە ببێتە نەریتێک شانازی بە تواناو لێھاتویی خۆیان بکەن  وەک رێکخراوەک لە داکوکی ئافرەتان و پێشاندانی بەهره‌یان پێمان باش بۆ خەڵاتی ڕێزلێنانی بە ٧٥ئافرەتی بەھرەمەند ببەخشین، جێی خۆشحاڵی بو لەشارەکانی تری ھەرێمی کوردستانیش بەشدار ببون بەھرە و بەھرەمەندی خۆیان ،هەروه‌ها لە هەموو دونیا گرنگی تایبەتی بە تاکەکانی بەهرەمەند دەدرێ، ئێمەش وەک ڕێزێک بۆ ھەوڵ و ماندوبون و توانایان بە پێویستان زانی ڕێز لە کۆمەڵە ئافرەتێکی بیر ڕەنگین و دەست رەنگین بنێین.
خەڵات زرار کازم شاعیری دیاری دەڤەری سۆران لە پرسیارێکی هێلین میدیا دەڵێت: وەکو کچێک ، کچ بەو واتایە نا کە لە کۆمەڵگه‌ ی پیاو سالاری هەیە  ئەم چاڵاکییە دانپێدانانێک بوو بۆ ئەوەی بیسەلمێنێ کە ئێمەش هەین و دانەبڕاوین لە کۆمەڵگا و بوون ،  جگە لەو ڕێزلێنان و دەرخستنی توانا و بەهرەی  ئافرەتان  دەبێ دیوێکی تری ئەم چالاکیە بوو، کە ڕەنگە زۆرێک لەو ئافرەتانە ڕووبەڕووی چەندین ئاستەنگ بووبنەوە و بە زەحمەت بۆیان ڕەخسابێ ئامادەبن، وەک دەزانین لە کۆمەڵگه‌ی پیاوسالاری ئافرەت پێگە و سەروەری تا ڕادەیەک بە شایەن نابینرێت و هەمیشە نکۆڵی دەکرێ لە بوونی وەک ئافرەت ، بەڵکو بۆی هەیە بێ دەنگ بکرێ و تەنها خزمەتی ماڵ بکات ، وەلێ ئەم چاڵاکیە دەرخەری ڕۆڵی ئافرەت بوو   لەهەموو ڕووێکەوە ، ئافرەت تەنها جەستە نییە ، بیرو هزرە ، هونەرە ، ژەنیارە ، شاعیرە ، فۆتۆگرافەرە، دیزاینەرە ....هتد لە هەمووی گرنگتر ئافرەت دەیەوێ ببێتە بڕیاردەر و سەرکردە و سیاسی ، کە ئەمە هاوکێشەکە بەتەواوی دەگۆڕێ ، ئامەدەگی ئافرەت  مانای بوونی ئیرادە و بوێری و خواستی خۆبەڕێوەبەریە ، دوپاتکردنەوەی ئازادی هزر و ڕادەربڕینە ، خۆی من ئەمە وەک شۆڕشێکی زیندوو دەبینم .

 ئەوەی دڵخۆشی کردم پاڵپشتی ئافرەت بوو بۆ ئافرەتانی بەهرەمەند ، چونکە لە هەموو کات زیاتر  پێویستە ئێمە لە پشتی یەکتر بین ڕەگەزی بەرامبەر ڕاستە تەواوکەرە ، بەڵام بوونی پاڵپشتێک لە هەمان ڕەگەز نیشانەی پێشکەوتن و گۆڕانی بیرکردنەوەیە ، زۆر گرنگە لەوە بگەین بە شکاندن و دژایەتیکردنی یەکتر سەرکەوتن بەدەست نایەت ، بەڵکو  هاوکاری و پشتیوانی جا لە ڕووی ماددی و مەعنەوی  هۆکاری بنچینەی سەرکەوتنی ئەم شۆڕشەیە  ،  کە  بڵێین بەڵێ ئافرەت دەتوانێ  بڕیار بدات ، ئیتر دەبێ گوێی لێ بگیرێ ، ئافرەت بۆ ئەوە نییە لە نێوان چوار دیوار بێت ، تەنها وەک  ئامێرێک بۆ ماڵداری ببینرێ یاخود جەستە ، بەڵکو دەتوانرێ سود لە توانا و ئەزموون و بەهرەکانی وەربگیرێ  بۆ کۆمەڵگایەکی پێشکەوتوو ، شارستانیەتێکی نمونەیی.


پەری نجیـــم

Designed and developed by AVESTA GROUP