وێبنارێك بۆ كاندیدانی ئافره‌ت به‌رێوه‌چوو

  رێكه‌وتی 17 ی 8ی 2021 ئەنجومەنی ئەوروپای یەکێتی ئافرەتانی کوردستان بە هەماهەنگی ناوەندی بەرلینی ئەنجومەنی ئەوروپا، بە ئامادەبوونی ( دکتۆرە ڤیان سلێمان ) سکرتێری یەکێتی ئافرەتانی کوردستان و ژماره‌یه‌ك له‌ به‌رپرسانی حكومی و حزبی وێبنارێکیان لەڕێگه‌ی پرۆگرامی زوومه‌وه‌ بە ناونیشانی هەر (سەرکەوتنی کاندیدێکمان، دەسکەوتێکی زیاترە بۆ کوردستان) بۆ هەریەک لە دکتۆرە ( ئەشواق جاف ) و ( جوان  عه‌بدوڵا عومەر)  کاندیدانی پاڵێوراو بۆ ئەنجومەنی نوێنەرانی عێراق به‌ ئه‌نجام گه‌یاند.
 له‌سه‌ره‌تای وێبناره‌كه‌دا دکتۆرە ڤیان وته‌یه‌كی پێشكه‌شی به‌شداربوان كرد و کاندیدەکانی بە بەشداربووانی وێبنارەکە ناساند، پاشان تیشکی خستەسەر گرنگی بەشداری ئافرەت لە ھەڵبژاردنەکان وەک کاندید و وەک دەنگدەر، هاوكات ھیوای خواست ھەمووان زۆرترین ھەوڵ و بەشدارییان بۆ سەرکەوتنی کاندیدەکانی پارتی دیموكراتی كوردستان بێت لەو پرۆسەیەدا له‌به‌رئه‌وه‌ی پارتی خاوه‌ن ئه‌جێندا و به‌رنامه‌ی تۆكمه‌یه‌ بۆ خزمه‌تكردنی كوردستان. دواتر كاندیده‌كان باسیان له‌ پرۆژه‌ و به‌رنامه‌كانی خۆیان كردو، گفتوگۆ له‌سه‌ر ئامانج و به‌رنامه‌ی ئاینده‌ی خولی داهاتووی په‌رله‌مان كرا و تیشك خرایه‌ سه‌ر ئه‌و خاڵه‌ گرنگانه‌ی كه‌ ده‌بێت كاندیده‌كان كاری له‌سه‌ر بكه‌ن.