سهرۆك بارزانی: دهمهوێت خەڵكی كوردستان لەوە دڵنیا بكەمەوە كە دۆخی كوردستان جیاوازییەكی زۆری هەیە لەگەڵ هەموو شوێنەكانی تر.
سهرۆك بارزانی پهیامێكی بڵاوكردهوه
كه تیایدا دڵنیایی دهداته خهڵكی كوردستان و رایدهگهیهنێت كه لهنێوان
كوردستان و ئهفغانستان جیاوازییهكی زۆر ههیه، هاوكات ئاماژه به قارهمانێتی
هێزی پێشمهرگهی كوردستان دهكات و باس له لهئیراده و خۆڕاگری پێشمهرگه دهكات
كه خاوهنی سهدان داستانی قارهمانێتی و مێژوویین.
ئهمهی خوارهوه دهقی پهیامهكهی
سهرۆكی بارزانییه:
بەناوی خودای بەخشندە و میهرەبان
دوای ڕووداوەكانی ئەفغانستان ماوەی چەند ڕۆژێكە تەوژمێكی سیاسی و
میدیایی بە ئاراستەی دروستكردنی دڵەڕاوكێ و نائومێدی لەناو خەڵكی كوردستاندا كار
بۆ بەراوردكردنی نێوان هەرێمی كوردستان و ئەفغانستان دەكەن. لێرەدا پێویستە هەموو
لایەك باش بزانن كە هەر میللەتێك ئەگەر پشت بە خۆی و تواناكانی خۆی نەبەستێت
هەمیشە ئەگەری هەڕەشە و لەناوچوونی لەسەرە. پاڵپشتیی خەڵكیش ئەو كاتە بەهای هەیە و
كاریگەر دەبێت كە بە خۆمان هەبین و ئیرادەمان هەبێت.
جیاوازییەكی زۆر لەنێوان ئەفغانستان و كوردستاندا هەیە.
جیاوازیەكی زۆریش لەنێوان پێشمەرگە و سوپای ئەفغانستان هەیە. پێشمەرگە زادەی مێژوو
و خوێن و فرمێسكی گەلی كوردستانە. خاوەنی سەدان داستانی مێژوویی و قارەمانێتییە.
نموونەیان داستانی كۆڕێ و تێكشكاندنی ئەفسانەی داعش و داستانەكانی پردێ و سحێلان
كە نەیارانی كوردستان پیلانی ئەوەیان هەبوو ئیرادەی گەلی كوردستان بشكێنن. بەڵام
پێشمەرگە و گەلی كوردستان بە خۆڕاگری و ئیرادەی پۆڵایینیان پیلانی نەیار و
دوژمنانیان هەڵوەشاندەوە.
لێرەدا دەمەوێت خەڵكی كوردستان لەوە دڵنیا بكەمەوە كە دۆخی
كوردستان جیاوازییەكی زۆری هەیە لەگەڵ هەموو شوێنەكانی تر. شوكر بۆ خوای گەورە
ئێمە پێشمەرگەی قارەمان و هێزمان هەیە و لە هەمووشی گرنگتر میللەتێكین خاوەن
ئیرادە و قەزییەین. ئەگەر دوژمنان و ناحەزانیش خەیاڵی ئەوەیان هەبووبێت ئازاری
خەڵكی كوردستان بدەن ئەوە هەرگیز بە ئاسانی بۆیان نەچووەتە سەر و، بە دڵنیاییەوە
لە ئاییندەشدا بە ئاسانی بۆیان ناچێتە سەر. هەر كەسێكیش بیەوێ نائومێدی و
خۆبەكەمزانین و بەراوردی نابەجێ لەناو خەڵك بڵاو بكاتەوە دیارە هێشتا نەیتوانیوە
لە ئیرادە و خۆڕاگریی گەلەكەی تێبگات.
مسعود بارزانی
٢٢ـی ئابی ٢٠٢١