16ى تەباخێ و بەردەوامى دان ب خەباتێ

رێژین نهێلی
19/08/2021


بەرى 75 سالا کاودانێت بزاڤا رزگاریخوازیا کوردى پێویستیا دامەزراندنا پارتى دیموکراتى کوردستان سەپاند . ژوێ رۆژێ تا ئەڤرۆکە کاروانێ خەباتا پارتى ل قوناغێن جودا جودایێن سیاسى و کومەلایەتى و جڤاکى و ئابورى گشتى لسەر ئاستێ خەباتا نەتەوەیى ئەف خەباتەیا بەردەوامە،  لەورا لهەر قوناغەکێ دا ل گوور کەلتور وخەبات و فەلسەفا بارزانیێ نەمر پارتى بەردەوامى دایە خەباتێ، ژڤەرێژا خواندنا کاریزمایا مەلا مستەفایێ بارزانى بو کاودانێن بزاڤا شورەش خوازیا کوردستانى  کۆ ل سەدێ 19 و 20ێ  چەندین بزاڤ و چەندین بزاڤ و چەندین پارتێن کوردى هەبوینە، لێ ژ ئەنجامێ گەلەک ئەگەرێن سیاسى و کومەلایەتى ئەڤان تەڤگەران نەشیاینە بزاڤەکا سەرتاسەرى یا کوردى ب دامەزرینن کو خەباتەکا خەباتا مللەتێ کوردى بگەهیننە قوناغەکا ئارام یان کەنارەکێ ئارام . لەورا خواندنا بارزانى بو ڤێ رەوشێ و ب تایبەت دەلیڤە زانین کو ل سالا 1945ێ  دەستپێکا سەرهەلدانا شەرێ ساربویە دناڤبەرا دوو وەلاتێن زلهێزێن دونیایێ کۆ ئێکەتیا سوفیەتا وى سەردەمى و ویلایەتێن هەڤگرتی بون.

خواندن بوڤێ رەوشى َهاتەکرنێ و پێویستى زانى کۆ تەڤگەرەکا کوردى  پارتەکا کوردى یا سەرتاسەرى بهێتە دامەزراندن ب ناڤێ پارتى دیموکراتى کوردستان، کۆ بناغێ وێ لسەر بناغەیەکێ سیاسى یێن زووربەى سەرکردێن کوردان ل وى سەردەمى کۆ هژمارەکا زوورا ئەکادیمیناس لدوور بارزانى خرڤەبون و، کونگرێ ئێکێ هاتیە ئەنجام دان ئەڤە بو خالەکا وەچەرخان ئێدى کورد ببنە خالەکا وەچەرخان و ئستراجیەتەکا نەتەوەیى لوکال ل دیف میکانزمەکا نەتەوەیى ئەنجام بدەن، ئەڤە پێنگاڤێت گەلەکێت گرنگ بوینە و پێنگاڤا ئێکێ گەلەکا گرنگ بویە کۆ ب شێوازەکێ سەرکەفتیانە هاتە ئەنجام دان.

ئەڤجا ژ هنگى و تا ئەڤرۆکە پارتى شیا سەرکێشیا دوو شورەشێن گەلەک مەزن بکەت شورەشا ئەیلولا پێشکەفتن خواز و گولانێ، ئەف هەردوو شورەشە بونە ئەگەر و بنەما کۆ قەوارێ ئەڤرۆ کە کیانێ سیاسى یێ ئەڤرۆکە ل کوردستانێ دروست ببیت ئەڤەژى ژ دەستکەفتێن هەرە مەزن یێت ڤان هەردوو شورەشا بوینە و خالا دیژى گیانێ پێکڤە ژیانێ و لێبورینێ پێکڤە کومەکا پرنسیپێت گەلەکێت یاسایى و فەلسەفى شورەشا ئەیلولى َهاتینە بەرجەستەکرن. ببنە ئەگەرەکێ گەلەکى َمەزن کۆ پارتى مفاى ژ ئەردیەتا کوهەى ل هەرچوار پارچێن کوردستانێ وەرگرت و خەلکەکێ ئێکجار زوور ل پارتى بزڤریتەڤە بوهندێ کۆ خەباتەکێ پێناڤى ڤى َئارمانجاهەنێ .

دناف ئوپوزسیونا عیراقێ ژى دا پارتى رولەکێ کارا هەبویە بەردەوام سەرکێشیا بزاڤا معارزا عیراقى هاتیەکرن و دێ بینى تەوژم وهزرێن پارتى دناف هەمى کونگرێت معارزا عیراقى دسەرەکى بوینە و دیتنا پارتى هاتیە وەرگرتنێ دهەمى کونگرادا، ئەو کونگرێت چ لەندەن یان سەلاحەدین و دەرڤە وەلاتى هاتینە ئەنجام دان پارتى رولى َکارا هەبویە دبیاڤێ رێکخستنا معارزا عیراقێ ژى دا ، دپروسا ئاڤەدانیێ ژى دا سەرەراى هژمارەکا کێم وکاسیا پارتى شیا ب ئەندازەیەکا ب رێک وپێک ب دیتنەکا سەردەمیانە هەم بەژدارى ئێکەم هەلبژاردن بکەت کۆ خەلک ببیتە حەکەم و ژێدەرێ دەستهەلاتێ پارتى رولەکێ کارا هەبو ب تایبەت گوتارا جەنابێ (سەروک بازرانى) ل کویە کۆ شیا داخوازا ئەنجام دانا هەلبژاردنا بکەت، ئەڤەژى بو جڤاکێ نیف دەولەتى بو جهێ پیتەدانێ بویە کۆ هەرێما کۆردستانێ بەرەف دیموکراسیەتەکا سەرتارى بچیت ، کەلتورى َدیموکراسەتێ و بنەمایێ
دیموکراسیەتێ لێ بهێنە پەیرەوکرن پاشان پێنگاڤێن پێک ئینانا حکومەتێ و کابینێن ئێک لدیف ئێک هەتا نوکە پارتى شیایە ببیتە ئەو خودیکا نەتەوەیى کو ژبو زووربەى خەلکێ کوردستانێ ببیتە جهێ باوەریێ  تایبەت ژى ل پروسا شەرێ داعش دا دشەرێ مان و نەمانێ یێ پاراستنا قەوارێ هەرێما کوردستانێ کۆ گەلەک وەلاتێن هەرێمایەتى پیلانگیرى کرن بو ژنافبرنا ئەڤێ ئەزمونا هەنێ بەلێ پارتى شیا سەرکێشیا ئەڤى کاروانى ژى بکەت و  ئەڤرۆکەژى هەرێما کوردستانێ بەرەف دووبارە زیندیبونا پەیوەندیێن وێ یێن سیاسى و دبلوماسیڤە ببەت و باوەریا دناڤبەرا خوە و خەلکى دا بهێزترلێبکەت .



Designed and developed by AVESTA GROUP