سەرکەفتنا ئافرەتێ د پروسا هەلبژارتنادا و هزر ژ بو ئایندەکێ گەشتر
هەلبژارتن
ئێک ژبنەمایێن پروسا دیموکراسیە و رێرەوێ دیموکراسیێ دیاردکەتن ، ب رێکا ڤى رێرەوى هەر هاولاتیەک هەر
تاکەک دڤى وەلاتى دا یێن کو مافێ دەنگدانێ هەى دێ شێت بڤى َرێکێ داخوازا مافێ خوە
کەت و خودان بریار و پێگەهبیت .
دهەلبژارتنێت
ئەف سالەژى دا یێن خولا 5 پێنجێ بو جڤاتا نوینەرێن عیراقێ کو ب سەرکەفتیانە بدوماهیک هاتن و ب جیاوازى
دگەل خولێن دەرباز بوى ئەگەر ئەم بەحس ل ئێک ژوان جیاوازیا بکەین ئەوژى سەرکەفتنا
ئافرەتێ بویە دڤێ خولێ دا کو 17 ئافرەت بو پەرلەمانێ عیراقێ شیان سەرکەفتنێ د دەنگ
دانى َدا بدەست خوەڤەبینن و ژوان ئافرەتا
پێنج ئافرەت شیان ب دەنگێن خوە سەرب کەڤن و بێى کوتا مفا ژ
بدەستڤە ئینانا وان دەنگێن هاولاتیان وەرگرن یێن
ب باوەرى دەنگ پێ داى ، دڤێ ئێکێ دا نابێژین کوتا بو رولێ لاوازێ ئافرەتێ
دزڤریت بەلکو ئەو کوتایەیە ژى ژ ئەنجامێ هندەک داب و نەریت و ئەگەرێن مێژوویى و
کومەلایەتى .. .
لێ سال ب سال
دهێتە دیتن کۆ گورانکارى دوان هزرێن بەرتەنگ یێن ژ هەر ئەگەرەکێ دروست بوین
دکومەلگەها مەیا کوردەوارى دا چێدبن و ئافرەت ب تایبەت و کومەلگە ب گشتى بەرەف
پێشکەفتن و دیرکەفتن ل جیاوازیا رەگەزى دچن ژلایێ
شیان و ئەرک و مافا و کارکرنێ.
ژبەر ڤێ ئیکێ
ژى پتر بومە و هەموو لایەنان و خەلکەکێ دیاردبیت کۆ پارتى دیموکراتى کوردستان
بەردەوام ژ دەمێن شورەشا و تا ڤێ دەمێ تەکنولوجیا باوەریەکا تەمام ب مافێ مروڤى و
دیر ژ رەگەزى هەبویە و باوەرى پێگەهشتن و خوە ئاڤا کرنا ئافرەتێ هەبویە دهەموو
بیاڤاندا ژ جڤاکى یان سیاسى و ئیدارى ، ئەف
پشتەڤانى و رێ پێ دانا پارتى ب ئافرەتێ
بویە ئەگەر کۆ روژ ب روژ کارتێکرنێن عەشیرەتگیرى و جیاوازیا کارکرنا رەگەزى
د دام و دەزگەهاندا کێم ببیت و بشێن پتر بەرەف گیانێ یەکسان بونێ بچین دپێکەفتن و
ئاڤەدانکرنا مێشکێ تاکى و وەلاتى دا.