مه رج نينه كهسين توندتيژى دبينت چ ره گه ز بت
ژیان و ئازادی و بریاردان ل سەر چارەنڤێسێ خوە مافێ هەر
تاکەکەسەکی یە و ئەف مافە هەر ژ دایكبوونێ لگەل مروڤی یە و ل دەمێ مروڤ هەست ب
بوونا خوە دکت وەك تاکەك د ناڤ جڤاکی دا بێگومان ئاستەنگ و بەربەست دکەڤن پێشاهیا
مروڤی و ئەڤە ژ سروشتێ ژیانا مروڤی یە، تاکەکەس توشی توند و تیژیێ دبت د ناڤ جڤاکی
دا ژ لایێ تاکێن دی یێن جڤاکی چ کەسێن نزیك بن یان دەوروبەر، و یا مەرج نینە کەسێ
توند و تیژیێ دبینیت ژ چ ڕەگەز بت ژن یان زەلام یان تەمەنێ وی چەوا بت، زاروك،
سنێلە یان کەسێن گەهشتی و سال ب سەرڤەچویی، بێ گومان کەسێن ژیێ وان بچویك یان سال
ب سەرڤەچوویی پتر توشی توند و تیژیێ دبن ژ بەر کو شیان و هێزا وان ژ یێن دی لاواز
ترە، ب درێژاهیا سالانە رێکخراوێن مافی مروڤی و رێکخراوێن پاراستنا مافێن ئافرەتێ
کار دکەن پیخەمەت نەهێلان یان کێمکرنا توند و تیژیێ، توند و تیژی ژی بتنێ ئێشاندنا
جەستەیی نینە و گەلەك جورێن وێ هەنە وەك توند و تیژیا دەروونی و شکاندن و سڤکاتی
پێکرن، ب گورەی ئاماران توند و تیژیا دەروونی د ڤان سالێن دویماهیێ دا توند و
تیژیا دەروونی پتر بوویە ، پێتڤییە رێکخراوێن سڤیل گرنگیێ ب ڤێ چەندێ بدن و ڕولەکێ
کارا تر هەبیت پیخەمەت نەهێلانا ڤێ دیاردا نە شارستانی بو هشیار کرنا جڤاکی و هەر
دوو رەگەز بهێنە پەروەردە کرن ل سەر بنەمایێ لێبورینێ و رێزگرتنێ و بو وان بهێتە
دیار کرن کو ژیان ل سەر ملێ هەر دوویانە و جڤاك ب وان دهێتە پێك ئینان.