رەوشەنبیریا خێزانى ئەرکێ هەموو سازیانە
خێزان ئێک ژ جهێن ئارامگەه و ڤیان
و ژیانکرنەکا بێ مەترسى و ئێکگرتیە و نێزیکترین روحن بهەڤرا گرێدایى ژبو ژیانکرنکرنێ
. ئەڤجا ژ زەلامى بو ژنى و ژ ژنێ بو زەلامى و ژ هەردوویان بەرەف زاروویان.
لێ ئەڤ روحیەتە دێ چاوا یا تەمام و
ساخلەم بیت ئەگەر وەک پێتڤى دئاستەکێ رەوشەنبیرى دا نەبن دناف وێ کومەلگەها ئەو لێ
دژین ؟
بێ گومان ل ڤێرێ بەرپرساتیا ئێکێ
ژبو هەڤژینان دزڤریت و یادوێ ژبو رێڤەبەرى
و رێکخراوێن جڤاکێ مەدەنى و پەیامێن لسەر
مینبەرێن راگەهاندن و زانایێن ئایینى و پەروەردەیى دمینیت .
ژلایەکێ دى پێتڤى یە د هەر پرس و
بابەتەکێ دا ب مێیانە سەرەدەریێ دگەل بابەتان
نەهێتەکرن و تەنها رەگەزەکێ دەست نیشانکرى ل وان روینشتن و خول و سمینارا نەبیت.
دا بشێن بگەهنە ئەنجامەکێ باش .
ژبەرکۆ هەر توندو تیژیەکا دروست دبیت
ژن و زەلام و زارووک قوربانیێ بو ددەن ، دبیت زووربەیا جاران دجڤاکێ مەدا قوربانیا
هەرە زوور بەر ب ئافرەتێ بکەڤیت ئەوژى ژ ئەنجامى َنەتێگەهشتنەکا دروست و نە رەوشەنبیرکرنا
مە لسەر مافان وەک مرووڤ .
ژبەر ڤێ ژى هەردەم دێ بێژین د ژیانێ
دا مروڤبون بەرى هەرتشتى دهێت ، ئەگەر مە بنەمایێن رەفتارکرنا دروست بو سەرەدەریا
مروڤى بجهئینان ل وى دەمى دێ زانین کا توندوتیژى ل کیڤە و پتر دگەل کیش رەگەزى هەیە
و ل رێکێن چارەسەریا دروست بینین و چارەکەین . چونکە ئەگەر مە بەس بەحس ل توندو تیژیا
ل دژى ئافرەتێ ژى کر واتا ئەو توندوتیژى یا بەرامبەر کومەلگەهەکێ و مروڤى و جیهانێ بگشتى یا دهێتەکرن ئەم پشتگوه دئێخین. ئەڤجا ژ ب ئێشانا جەستەیى بیت
یان ب شێوازێن نەخوەشیێن دەروونى دیارببیت .
لەوما پێتڤى یە دگەل ئەف پشتەڤانیا
لڤى سەردەمى ژلایێ حکومەت و سازیێن وێ و رێکخراوێن مەدەنى ل پرس و مافێ ئافرەتێ ب
تایبەت و خێزانێ بگشتى دهێتەکرن پتر لێبهێت و ب
سیستەمەکێ ئاشتى خواز بو بدەستڤەئینانا مروڤەکێ ساخلەم دژى توندوتیژیێ پتر خوە ماندى بکەین.