کۆشتنا ئافرەت

وەکو من ئاماژە پێ دایی ئەم دناڤا چەرخێ بیستێ و سالا 2022 داینە و ئەڤە جهێ نگرانییە کۆ هەتا نهو مە نکارییە خو پێبگەهینین هێشتا ئەم مروڤ نەگەهشتینە وی ئاستی کۆ ئێکدوو قەبیل بکەین لسەر ئاستێ تێگەهشتنێ لسەر ئاستێ پێگەهاندنێ ،دان و ستاندنێ، ڕێز گرتنێ ، هەڤ دەردیێ، هاریکاریێ، دەستێ سلاحەتێ ، مافێ ئێکدوو نەخوارنێ، هێشتا ئەم نەگەهشتینە وێ ئاستێ ڕەوشەنبیریا تمام یا کۆ دناڤا خودا چێبێکین و بلاڤ بکێن ، ب مخابنی ڤە ڕەنگە ڕەخنە ل من بێن گرتن بەلێ دگەل ڕێزا من بو هەر لایەنەک و هەر تاکە کەسەک و خیندەڤانێ ڤێ بابەتی  ..
بوچی ڤێ دبێژم ؟؟ بوچی هێشتا ئەم ل چەرخێ بیستێ نە و ل سەردەمەکێ پێشکە فتی لێ هێشتا مێشکێ مە وەسا نەخواستیە یانژی نەڤییایە بخوازیت کۆ کوشتنا مروڤان ب هەر ڕەنگەکی و هەر ڕەگەزەکی چ بچوک و چ مەزن بلا بزانیبن ئەوێ ڤی کاری دکەت و ب کوشتنا مروڤەکی ڕادبیت نە کەسەکێ ئاساییە و ژ لایێ دەرونی ڤە نە یێ ساخلەمە ئەگەرنە حەتا دناڤا قورئانا پیروزیشدا  بەحس ل کوشتنێ نەکرییە  بەحس  ل کوشتنا مروڤان ب چ ڕەنگەکی نەکرییە و چێ نابیت بێنە کۆشتن نەخاسمە  کۆ ئەو مروڤە ئافرەت بیت.
ڕوژانە و هەیڤانە ئەم ل سوشیال میدیایێ دا گوهداری کۆشتنا ئافرەتێ دبین لسەر هەر ئەگەرەکا هەبیت، بەلێ ئایا مە ژ خو پرسیار کرییە ئەرێ باشە ئەڤ کوشتنە حەتا لسەر شەرفێ ژی بیت، ئەرێ دبیت ئافرەت بێتە کوشتن وەکو مروڤ بوون ؟؟باشە ئایا دبیتە چارەسەریا ژ ناڤ برنا شەرەفێ ؟؟ دبیتە ئەگەرێ هندێ کۆ ئێدی خلاس،چوو و بوری، بێ گومان نەخێر ژ بەر کۆ گەلەک کاودانێن دێ لدیف دا دێ ئێن .
جاران ڕەخنە ل ڕێکخراوێن ئافرەتان دهێتە گرتن بەلێ دبێژم کۆ ئەگەر ڕێکخراوێن ئافرەتان کارا نەباییە زێدەتر ل ڤێ چەندێ چێ ببایە چنکۆ ڕێکخراوا ئافرەتان یان ژنان هەمو گاڤا هەولا هندێ داییە ئافرەتێ ب هەر ڕەنگەکا هەبیت بپارێزیت هان بدەت بو پێگەهاندنا خودێ ئافرەتێ دا كو  بزانیبت کا مافێ وێ چیە وئەرکێ وێ چیە ...
هەرچەندە کۆ هەتا نهو ژی هێشتا کومەلگە ل وێ چەندێ نەگەهشتیە کا ڕێکخراێون ئافرەتان چ ڕولەکی دبینن . ئەڤجا دڤێت مروڤ بخو خو پێپگەهینیت کۆ کوشتنا مروڤان قەدەغەیە نابیت بێتە کۆشتن دبیت بێتە سزا دان بەلێ نائێتە کۆشتن. سەرەڕای هندێ کو زوربەیا وان بێ کۆ پرسیار یا لێکولین دگەل وان بێتە کرن هاتینە کۆشتن .لێ ب دیتنا من ئەز ڤێ هەمویێ ڤەدگەڕینم بو خێزانی کۆ خێزان هوکارێن سەرکینە ل ڤی باری دا.دڤێت پتر هاندانا خێزانان و هوشیارییێ بدەنە وان بو هندێ دا کۆ پێبگەهن،کوشتنا مروڤان ب تایبەتی ئافرەت نابیتە چارە سەرکرنا ژ ناڤ برنا شەرەفێ بەلکۆ دبیتە عەزابا هەتا هەتایی هەم دناڤا خێزانێ هەم دناڤ کومەلگەهێ دا. ئەز هیڤیدارم کۆ هەمو پێکڤە چ دەسهەلات و چ حکومەت و یاسا و هەمو جهێن بەرپرسیار ب ڤێ ئەرکێ ئاگەهدارکرنێ ڕابینن دا کۆ ئەڤ کۆشتنا کۆ بووییە دیاردە بێتە کێم کرن یان ژ ناڤ برن ژ بەر داب و نەریتێن تووند و بەرو ڤاژییا عەشایری دناڤا کومەلگایێ کوردی دا.
 هەژی گوتنیە کۆ کلتورێ کوردەواری کلتورەکێ گەلەک جوانە بەلێ ئەگەر کوشتن تێدا نەبیت.