“ نیشتیمانسازی بە بێ باوەر بوون بە توانای ئافرەت نابێت

‎هەموو دەزانین هەر کۆمەڵگەیەک بەبێ ئافرەت دروست نابێ و نەدەبوو، واتە بناغەی هەر کۆمەڵگەیەک ئافرەتە، پێشکەوتن و پێشچوونی کۆمەڵگە            بەستراوە بە پێشکەوتن و بەرزی پێگەی ئافرەتەوە لەم روانگەوە رێبازی بارزانی نەمر و پارتی دیموکراتی کوردستان لە سەرەتایی دامەزراندنیەوە باوەری بە توانا و بوونی ئافرەت هەبووە و هەیە، بە بەردەوامی دەبینین لەکۆنفراسەکانی هەلبژاردنی کادیرانی پارتی بۆ دەستەی کارگێری بنکە و رێکخراو و ناوچەکان و لقەکان بەتایبەتی لە سالی ٢٠٢٤ ژمارەیەکی بەرچاوی کاندیدانی ئافرەتن، دەرگای هەلبژاردن والایە بۆ خۆپالاتن بۆ زۆرترین ژمارەی کاندیدان بەتایبەتی ئافرەتان ، ژمارەیەکی باشیشیان وەک کارگێڕ دەرچوونە و دەردەچن.
‎بۆ ئەوەی زیاتر ماف و ماندوو بوونی هەر کادیرێکی حزبی پارێزراو بێت بە تایبەتی ئافرەت
‎ پارتی دیموكراتی كوردستان دەستاودەست کردنی پۆستەکان و پێكەوەبوون و یەكترقبوڵكردن لە ناو ئۆرگانەکانی زۆر بە گرنگ و پێویستی دەزانی، جەختیش لە خەباتی ئافرەتان دەکا لەگشت قۆناغەكانی خەباتی نەتەوەییدا ، رۆلە بەرچاوەکەی ئافرەتان لە خەباتی ئازادی کوردستان و دروست بوونی هەرێم، بەگرنگ وەردەگیرێت، بێگومان هەستی نیشتیمانپەروەری و دلسۆزی و خەمخۆری ئافرەتان بۆ  نیشتیمان، هەلقولاوی ناخە پاکەکەی ئافرەتان و باوەربوونیان بە رێبازە پیرۆزەکەی بارزانی نەمرە، هەر بۆ ئەمەش نیشتیمانسازی بە بێ باوەر بوون بە توانای ئافرەت نابێت، گرنگە ئافرەتیش باوەری بە خۆی زیاتر هەبێت و کاری حزبی بە گرنگتر وەربگری و باشیش بزانی کڕۆکی پاراستنی ئاسایشی نەتەوە و نیشتیمانیش هەستی بەرپرسیارێتی تاک و کۆمەڵگەیە بەرامبەر نیشتیمان، ئافرەتیش وەک تاکێکی ئەم کۆمەڵگەیە شانبەشانی پیاو تێدەکۆشێ بۆ پاراستنی ئارامی نیشتیمان.
‎بە شانازیەوە پارتی دیموکراتی کوردستان
  حزبێکە کە بە هەموو شێوەیەک سینکی بوویتە قلغانی پاراستنی شکۆی ئافرەت و بەرزی پێگەی ئافرەت، لە ناو حزب و کۆمەڵگە و نیشتیمان و هەمیشە داکۆکیکار بووە بۆ مافی ئافرەت.
 رێبازی بازانی نەمر هەموو کات دروشمەکانی کردۆتە کردار بۆ ئازادی تاک و نیشتیمان و بەرجەستەکردنی دەستکەوتەکانی خەباتی رێبازی ئازادیخوازی گەلی کورد، جێگای شانازیە پارتی لە هەموو قۆناغەکانی خەباتی بۆ ئازادی ، پێداویستیەکانی قۆناغەکانی
خەباتی کوردی بە گرنگ وەرگرتووە
بۆیە پارتی بوون شانازیە