٨ی مارس لە بۆنەوە بۆ دەستکەوت.
٨ی مارس وەک بۆنەیەک و نەریتێکی ساڵانە یاد دەکریتەوە، ميژووی ئەو رۆژەو رووداوەکانی و هەوڵەکان بۆ ناساندی ئەم رۆژە دووپات دەکرێتەوە، ئەم بۆنەیە لە سەرانسەری جیهاندا ریزی لێدەگیریت و کۆڕ و کۆبوونەوە و سیمینار ۆرک شۆپ و دونیایەک بابەت و گرنگی پێدانی بۆ دەکرێت لە هۆلە بەناوبانگەکان و ئوتێلە گراندە گرانبەهاکان هەتا ريخراوەکان، باسی مێژووی خەباتی ژنانی ئازادی خواز و ماندوو لەبەر بژێووی ژیان، هەروەها ژنانی تابۆ شکين زۆر ئازایانە رووبەڕووی هەموو چەرمەسەری و نارەحەتیەی کە دەرهەق بە ئافرەتانی یەکسانی خواز و ئازادی خواز کراوە دەنگیان هەڵبری، ئافرەتە ماندوونەناسەکان بە گژ گشت نەهامەتی و نایەکسانیدا چوونەوە و دەنگیان هەڵبری و قبوڵی ئەو هەموو ناعەدالەتیەیان نەکرد کە بەرامبەریان کرا.
ئەوان بوون بە مێژوو بوون بە سومبولی هەموو ئافرەتێکی کۆڵنەدەر و خاوەن بیری ئازاد، دروود بۆ رۆحی پاکی ژنانی ئازادیخواز لە پێناو ماف و داواکاری رەوای خۆیان، رۆحی خۆیان بەخشی بەدرێژای مێژووی مرۆڤایەتی وەکو سومبوولی رەنج و تێکۆشان و بەرخودانی ئافرەتان سەیر دەکرێن و ریزیان لێدەگیریت.
ئەمە لە لایەک، لە لایەکی ترەوە کە ریزگرتن لە قوربانی دانی ئەوان چی بکریت هێشتا ناگاتە رۆحی بەرزە فریان بەڵام لەگەڵ ئەو یادانەدا هەوڵ بدەین کاربکەین بۆ دەستکەوتی زیاتر بۆ ئافرەتی خۆمان هەر لە بەگژدا چوونەوەی هەموو تووندووتیژیەک دەرهەق بە ئافرەتان دەکێ، هەتا کاری جۆراو جۆری مەدەنی لە پيناو پاراستنی دەستکەوتە بەدینەهاتوەکان و پاراستی ئەو دەستکەوتانەی کە هەیە.
بۆ ئافرەتان هەوڵی بەدیهێنانی ئەو دەستکەوتانەی کە تا ئیستا بەدینەهاتوون، کاری گرنگ بکرێت تا رێگری تەواو بکرێت لە جێبەجێ کردنی (هەمواری یاسایی باری کەسێتی ژمارە ١٨٨ ی ساڵی ١٩٥٩ )بە پراکتیکی هەوڵی جێبەجێ کردنی یاساکانی خۆمان بدەین. کە چەندین یاسای زۆر باش و تۆکمە و ناوازەمان هەیە ئەگەر وەک خۆی جێبەجێ بکرێت خزمەتی تەواوی ئافرەتانی کوردستان دەکات.