ێکەتیا ئافرەتان و ڕولێ وێ دپێگەهاندنا ئافرەتێ دا
هەر
ژ دامەزراندنا ئێکەتیا ئافرەتێن کوردستانێ ل سالا ١٩٥٢ پیخەمەت پێگەهاندنێ ئافرەتا
کورد د سەرجەم بوارێن سیاسی و ئابوری و کەلتوری و ڕێڤەبرنێ دا ل سەر دەستێ مستەفا
بارزانی. ئێکەتیا ئافرەتێن کوردستانێ هەر ژ دامەزراندنا خوە بوویە پێگەهەك ب هێز ل
کوردستانا باشور و تایبەت د سەردەمێ شوڕەشێ دا ئافرەتا کورد پشتەڤانیەکا بهێز ل
پێشمەرگەیی کریە.
هەروەسا ڕولەکێ بەرچاڤ هەبوویە د هوشیار کرنا
ئافرەتا کورد دا، سەرەڕای بەرەڤانی کرنا مافێن گەلێ کورد ، دیسان ئافرەتا کورد ب
ڕێکا ڤێ ئێکەتیێ شیایە خوە پێ گەهینت و دەنگێ ئافرەتا کورد بگەهینیت جیهانێ و ڕایا
گشتی ئانکو دەنگێ ئافرەتا کورد ژ سنوران بەزاند و گەهاندە جیهانا دەرڤە. ئافرەت د
ناڤ ئێکەتیا ئافرەتێن کوردستانێ دا شیا ببیتە سەرکردە و د شیاندایە بێژین ئەڤ ئێکەتیە
بوویە ڤوتابخانەیەك و تا نوکە چەندین ئافرەتێن نموونە و سەرکردە ژ ڤێ ڕێکخراوێ
دەرکەفتینە و تا ڕوژا مە ژی بەرەودامن ل سەر بەرەڤانی کرنا مافێن ئافرەتێ .
پاراستنا دوزا ئافرەتێ ژ لایێ ڤێ ڕێکخراوێ ڤە بوویە ئەگەرێ وێ چەندێ چەندین ئاریشە
بهێنە چارەسەر کرن و د گەلەك بوارێن جڤاکی و ڕەوشەنبیری و کەلتوری شیایە ببیتە
رێکخراوەکا نموونە ل سەر ئاستێ هەرێما کوردستان و ئێراقێ. نە خاسمە د بوارێ
پاراستنا مافێن ئافرەتێ یێن ڕەوا و نەهێلانا دیاردا توندوتیژیێ کو ب خەبات و کارێن
ئێکەتیا ئافرەتێن کوردستانێ ئەڤ دیاردە تا ڕادەیەکێ بەرچاڤ کێم ببیت.
ئێکەتیا
ئافرەتێن کوردستانێ د ڕوژا مە ژی هەوڵێن جددی ددت پیخەمەت دەست ڤە ئینانا مافێن
ئافرەتا کورد د هەر بوارەکی دا، بەڵگە بو ڤێ چەندێ ژی ئەوە د ڕوژا مە دا د سەرجەم
بوارێن ژیانێ دا خەبات و شین تبلێن ئافرەتا کورد بەرچاڤن، د ڕوژا مە دا رێکخراو و
ڤەلڤینێن ئافرەتان ڕولێ خوە پتر دبینن و ل سەر ئاستێ جیهانێ پتر گرنگی پێ دهێتە
دان ژ جاران، ل هەرێما کوردستانێ ژی ئێکەتیا ئافرەتێن کوردستانێ شیایە ب ڕێژەیەکا
ئێکجار بەرچاڤ گەلەك پرسا بگەهینیت چارەسەریێ و هەوڵ ددت سنورێن دەستکرد ئەوێن
هاتین دانان بەرامبەر ئافرەتێ ب بەزینت.