خانما مەیك ئاب ئارتێست مریەم إسماعیل، کو نیشتەجیا باژەروکێ ئاکرێ یە

خانم مریمێ د دیدارەکێ دا بوو هێلین میدیا دیار کر :ئەڤ ساڵە کولیژا ئەندازیاری ب دووماهیک ئینایە ،و ئەڤە نزیکی ٦ هەیڤانە بەهرا خۆ نیشا خەلکی دایە، و بەری نها شولێ میك ئابی دکر بەلێ ب سادەی و بوو کەسێت نزیک، بەلێ پشتی من دەست پێکری من گەلەک شیانێت دی یێت بەهرا خو زانین.

ناڤبڕێ گوت:‎کارێ من گەلەک نزیکی وێنەکێشانێ یە، ژ بەر کو دەسپێکێ هزرا من ئەو بو کو ئەز هندەک ڕەنگان یان هندەک تابلویان بکەمە ژێدەرەک کو مکیاجەکی وەک وان ڕەنگان بکەم لسەر چاڤان یان دێمی هەمیێ، ئەڤە بوو وەل من کری ئەز پتر ناڤ هونەرێ مکیاجی دا بچم و لسەر بخینم و هەتا گەهشتیە وی ڕاددەی کو ئەز بەهرا خۆ دمکیاجێ (زومبی و مکیاجێ سینەمای)ی پێش بێخم و زێدەتر ل سەر کاربکەم.
‏‎
وگوت ژی: هەتا ڕاددەکی گەلەک نە درازینە  و ب تشتەکێ گەلەک کێم سەحدکەنێ و بوو وان ئەڤ بەهرە دبیتە کارەکێ نە ژ هەژی کو کچ بکەت، و ئەگەرێ وێ دزڤڕیت بو هندێ کو تشتەکێ نوویە، بەلێ پیچ پيجە ئەڤ تەخا نۆ یا گەنجان پێڤە دهێنە گرێدان و حەژێدکەن و لدیڤ دچن،
‏‎
خانما مەیك ئاب ئارتێست گوت: ل دەستپێکێ بتنێ هزر بوو بۆیە پاڵدەر چونکی من دناخێ خۆ دا دزانی ئەز دێ شێم تشتەکێ نوێ پێشکێشکەم، و تشتەک کو گەلەکێ کێم بیت دەڤەرا بادینان ب گشتی ئەو بوو ئەز پاڵدایم ڤێ پێنگاڤێ بهاڤێم، و پشتی من بڕیار دای وێ رێکێ بچم پاڵپشتیا خوشکا من و هەڤالێت من یێت نزیک کو هەرگاڤ دگەل من بون هەتا یا بەردەوام بم و نە ڕاوەستم و لسەر بەهرا خۆ کاربکەم.
‏‎
ئەو چەند ژی دیارکر: ئەز دبینم مکیاج گرێدای ب ژی ڤە نینە بەلکی یا ب حەزێت مروڤان ڤە گرێدای هەتا ڕاددەکی بەلکی ئەم گەلەک جاران دبینین ژنەکا گەلەک مەزنە بەلێ حەز ژ خۆ دکەت و حەز دکەت جانتر ب دەرکەڤیت، و دێ بینین مەیک ئاپ یا دانای، و بەروڤاژی ژی درستە بەس دگەل ڤێ چەندێ دا مکیاج ب بووچونا من یا گرێدایە ب جورێ هەلکەفتێ یان ئەو جهێ تو دچیێ و دگەل وی دەمی ڤێجا کا روژە یان شەڤە،  ئەڤ هەمی تشتە ڤێت بەرچاڤ بهێنە وەرگرتن ،مکیاج نە ئەوە کەسەک د ژیێ ١٣ ساڵیێ دا بیت و د تورێن جڤاکی دا فێرە جورەکێ مکیاجی بوی کو ب تنێ  یێ گونجایە بوو جورەکێ هەلکەفتان و ئەو کەسە رابیت خۆ  بوو ئاهەنگا قوتابخانێ یان دەرکەفتنەکا نورماڵ بدانێت، مکیاجی یاسایێت خو یێت هەین.
‏‎
مریەمێ گوت ژی : من لبەرە ئەس دبوارێ خاندنا خۆ دا کاربکەم، بەلێ د هەمان دەم دا کار لسەر بەهرا خو بکەم و پشت گوه نە هاڤێم هەتا دبمە کەسەک گەلەک پروفێشنال و د فیلم و دراما یا دا وەک ستافێ مکیاجی پشکدار ببم و دیڤ دا و هەتا دەرفەت چێببیت  د هندەک بەریکانێت نیڤ دەولەتی دا پشکداریێ بکەم.
‏‎
و دوماھیێ گوت:پەیڤا من بو گەنجا ئەوە ئەگەر تە دناخێ خودا بەهرەک هەبیت و تو دزانی ئەڤ بەهرە دێ تە کەتە کەسەکێ جیاواز و هەبونەکێ دەتە تە دەستپێبکە  و لسەر بەهرا خۆ کاربکە، و پێنگاڤا دەستپێکێ ب هاڤێژە چونکی زەحمەتترین قۆناغ ئەوە یا دەمێ تو بڕیارێ لسەر خۆ ددەی و کا دێ شێم دڤا رێکێرا بچم! بەرسڤا من بو وێ پسیارێ هەرگاڤ بەلێ یە، ژبەرکو هەر کارەکێ جیاواز دێ نە حەز و لایەنگر بوو هەبن، بەلێ یا سەر تە پێدڤێە تو چاڤێت خۆ لسەر نەحەزان بگری و رێکا خۆ دا بەردەوام بی، هەتا حەژێکەرێت تە پتر ب تەڤە بهێنە گرێدان و سەرکەفتیتر ببی د وی کارێ تە هەلبژارتیێ.
ئەز بخۆ ھەر گاڤا کارەکی دکەم
هەکە ب دلێ ١٠٠ کەسان نەبیت بەس ١٠ کەس ژدل د وی کاری و ڕامانا وی بگەهن ئەس هەر ١٠٠ دیێن دی ژبیر دکەم بەروڤاژی کاردکەم دا  ئەو ١٠ ێن دی پتر د کارێت بهێت دا سەربلند ببن و پتر حەژ من بکەن.

ئامادەکردنی: جیهان حجی