بۆ سه‌ركه‌وتنت ئه‌م ڕێنماییانه جێبه‌جێ بكه:
به‌وپێیه‌ی رێژه‌ی ئافره‌تان له
زیادبووندایه بۆ كاركردن، بۆیه پسپۆڕانی بواری ده‌روونی گرنگی به بڵاوكردنه‌وه‌ی
چه‌ند رێنماییه‌ك ده‌ده‌ن بۆ ئه‌وه‌ی ئافره‌تان سه‌ركه‌وتن به‌ده‌ستبهێنن.
- له‌گه‌ڵ ده‌ستنیشانكردنی به‌رنامه بۆ كاركردن باشتر
وایه سوود له زانیاری ئه‌و كه‌سانه وه‌ربگریت كه له بواره‌كه‌دا كارده‌كه‌ن،
به‌رده‌وام پرسیار بكه به‌ڵام باشتروایه خۆشت له‌سه‌ر بیروبۆچوونی خۆت ئه‌زموون
دروست بكه‌یت.
- له‌گه‌ڵ هاتنه
پێشه‌وه‌ی ده‌رفه‌تی نوێ له‌ده‌ست خۆتی مه‌ده، بوێری ئه‌وه‌ت هه‌بێت كاری نوێ و
جیاواز ئه‌نجام بده‌یت.
- گه‌ر ترس
هۆكاره بۆ ئه‌وه‌ی رێگای سه‌ركه‌وتنت لێبگرێت، هه‌وڵبده له‌سه‌ر كاغه‌زێك
بینوسیته‌وه بۆ ئه‌وه‌ی له‌دوای به‌ده‌ستهێنانی سه‌ركه‌وتن هه‌ستێكی تایبه‌تت لا
دروست بێت به‌هۆی سه‌ركه‌وتنت به‌سه‌ر ترسه‌كانتدا.
- هه‌رگیز رێگا بۆ ئه‌و كه‌سانه خۆش مه‌كه كه
پێیانوایه ناتوانیت به خه‌ونه‌كانت بگه‌یت، به‌پێچه‌وانه‌وه به‌هۆی ئه‌وجۆره
بۆچوونانه زیاتر هه‌وڵبده سه‌ركه‌تن به‌ده‌ستبهێنیت بۆ ئه‌وه‌ی به سه‌ربه‌رزی
روبه‌ڕوویان ببیته‌وه.