ل قه‌زا سێمێلێ سه‌ر ب پارێزگه‌ها دهوكێ كچه‌ك په‌رتوكخانه‌كێ ڤه‌دكه‌ت
ئازادیا كاركرن و دیاركرنا شیانان قوناغ ب قوناغ لده‌ف ئافره‌تێ به‌ره‌ف پێش دچیت
و دبیته خودانا كار و بریارێ .
ئاره‌زوو سه‌لاحه‌دین ئێك ژ وان كچێن
گه‌نجه كو ڤیایه خودان كارێ خوه‌بیت و ژدایك بویا سالا 1993 ده‌رچویا
زانكویا جیهان به‌شێ كارگیرى و ئابورى به‌نقه.
ئاره‌زوو دبێژیت :هه‌ر ژ ده‌ستپێكا
خواندنێ من حه‌ش خواندنا په‌رتوكێن گشتى كریه ب هه‌مى جورێن وان و هه‌رده‌مێ من دخواند بومن هزر چێدبو ئه‌ز بشێم ببمه
خودانا په‌رتوكخانه‌كێ لێ من پالده‌ر نه‌بون هاریكاریا من بكه‌ن و من دووجار پێشنیاركریه
هه‌تا بو ڤێ جارێ شیایم ب هاریكاریا بابێ خوه په‌رتوكخانه‌كێ ڤه‌كه‌م و په‌رتوكا
كوم كه‌م ل پارتوكخانێن جودا و پروژێ به‌نده‌ر و هنده‌ك ژى ل بغدا من ئیناینه .
سه‌باره‌ت كارى ژى دبێیت : گه‌له‌ك یا فه‌ره كچ هزر دپاشه‌روژا خوه‌دا
بكه‌ت و نه‌راوستیت چنكو مه‌هێزا هه‌ى دڤێت وێ هێزێ نه‌ڤه‌شێرین و دمالدا نه‌هێلین
و بلا كچ دیاربكه‌ت بوهه‌ر كه‌سێ كودشێت كاربكه‌ت و سنورێن خوه‌ژى بپارێزیت. و سه‌باره‌ت
داهاتێ كارى ژى ئاره‌زوویێ گوت: وه‌ك
داهات نوكه ژ دیارنینه لێ بومن ده‌ستپێكێ
پروژه گرنگه و خه‌لك ل قه‌زا سێمێلێ ب چاڤه‌كێ مه‌زن سه‌حدكه‌نه كارێ من و من
زوور ئارمانجێن دى ژى من هه‌نه و دێ هه‌مى
پێكولا كه‌م به‌رێ كچى َبكه‌ڤیته ڤان جوره كارا .
و یاگرنگ ژى ئه‌وه من په‌یوه‌ندى
هه‌نه دگه‌ل په‌رتوكخانا لێ پروژى َبه‌نده‌ر پتر ژ 30 په‌رتوكا پێشكێشى من كرینه
و په‌رتوكخانا نورسین و ..حه‌زدكه‌م كارێ من به‌رفره‌هتر لێبهێت داكو ئه‌ز ژى هند كچێن دى لده‌ف خوه بده‌مه
كارى و پتر به‌رێ خه‌لكى بكه‌ڤیته خواندنا په‌رتوكێن جودا جودا . ل دوماهیى َژى
گوت هیڤیامن ئه‌وه پتر گرنگى ب گه‌نجا بهێته‌دان داكو بشێن بگه‌هنه هه‌موو هیڤیێن
خوه و خزماتا جڤاك و مللله‌تێ خوه ژى بكه‌ن .
ئاماده‌كردنی: رێژین نهێلى