کچەکا دهوکێ باوەرناما بالیوزا ئاشتیێ وەرگرت

پەروەردە و پێگەیاندن
7 رۆژ پێش ئێستا

دەم بو دەمی ئافرەت پتر رژدبیت لسەر پێشڤەچونا ئاشتێ خوەیێ زانستی و پێگەهاندنێ دبوارێن پشکەفتنێ دا
لڤێ جارێ ژی کچەکا پارێزگەها دهوکێ بو بەلاڤوکا هێلین لدوور وەرگرتنا باوەرناما خوە یا بالیوزیا ئاشتیێ بڤی رەنگی دەتە دیارکرن ودبێژیت: ئەز هەژین فتاح ـم  دەرچوویا پەیوەندیێن نیڤدەولەتی و دبلوماسی و بەردەوامم د بسپوریا روژنامەڤان و چالاکڤانا جڤاکێ مەدەنی دا و سەرەرای چەندین سالان دگەل ڕێکخراوێن جڤاکێ سڤیل ب خوبەخش کارکریە و زێدەتری 10 سالە کارێ روژنامەڤانی و میدیایێ دکەت. هەر ژبەر ڤی رولێ بەردەوام هەژین دبێژیت:
ژ ئەنجامێ رولێ من یێ زێدە د کار و چالاکیان دا د جڤاکی دا  هاتمە کاندیدکرن ژلایێ ڕێکخراوا هێتما کو 125000 هزار کەسان مفا ژ کارێ ڕێکخراوێ وەرگرتیە د وارێ تەندروستی و گەشەپێدان و پێداویستیێن سەرەتایی و هاریکاریا کێم ئەندامان و زێدەباری ئەنجامدانا چالاکیێن جورا و جور، ئەڤ باوەرنامە ب پێ هاتە دان ژ ئالیێ دکتور سانتوش کومار سەروکێ ڕێکخراوا جیهانی یا بناڤێ منتدی ئەدەبی کو کەسێن بەشدار لسەر ئاستێ جیهانێ ل گەلەک دەولەتان هەنە، هەر لدور وەرگرتنا ڤێباوەرنامێ دبێژیت:  مخابن کەس هەنە باوەرناما بالیوزێ ئاشتیێ وەرگرتینە بەس ب خرابی کارێ خو برێڤەدبەن ، ئەم مللەتێ کورد دهێینە نیاسین مللەتەکێ ئاشتیخوازین ، نە مللەتەکێ خوینمێژین مافێ مە یە کو ئەم پتر ل سەر ڤێ یەکێ بڕاوەستین و خزمەتا وەلاتێ خوە بکەین .
( بالیوزا ئاشتیێ )ئەڤ ناسناڤە واتە کەسەک ئاشتیخوازە لسەر ئاشتی و پێکڤە ژیانێ و مافێ مروڤان و ل سەر خزمەتا مروڤایەتیێ کاردکەت هاریکاریا کەسێن نەخوش و پەنابەر و لسە مللەتێ خو کاردکەت هزرێن ئاشتیێ دناڤ مللەتێ خۆ دا بەلاڤدکەتن، یا گرنگە زێدەکرنا هوشیارکرن و چالاککرن و هاریکاریا مروڤایەتیێ و بیرئانینا تاکەکەس یا مروڤایەتیێ ل بازنەیێ جورا و جور، گرنگیا ڕێزگرتن و رێکەفتنا نیڤدەولەتی و بلندکرنا ئاستێ هشیاری و بەرفرەهکرنا شیانێت دەولەتا دا کو بەرەڤانیێ ل روویدانێت سروشتی بکەن، ڕولێ ڕێکخراوان بو بەرسڤدانا ئەزەماتێن مروڤایەتیێ
یێن کۆ لسەر ئاشتیێ کاردکەن دوو بەش هەنە بەشەکێ ئینترنێتێ و بەشەک ل سەر ئەردی یە کو ئارمانج ژێ دهەردوو ئالیاندا خزمەتێ بکەن چ دناڤا کەمپاندا ب پێشکێشکرنا هەمی جوڕێن هاریکاریان و ل بەشێ بەلاڤکرنا هزر و باوەری لسەر ئینترنێتێ یە و بەشەکێ گەلەک گرنگە.
ل داویێ ژی هەژین خانێ گوت: من دڤێت بێژم هەر کەسێ د بوارێ خۆ دا کاردکەت د وی کاریدا ب ئاشتی بڕێبکەت و کەسەکێ ئاشتیخواز بیت .                             رێژین نهێلی

Designed and developed by AVESTA GROUP