ئافرەت، هێزو توانا

پەروەردە و پێگەیاندن
پێش 2 هەفتە

ئەگەر ئافرەت تواناکانی خۆی بەکار بێنی ئەتوانی هەموو کارێک ئەنجام بدات و سه‌ختیه‌كان تێپه‌رێنێت. هه‌ندێك ئافره‌ت هه‌ن خاوه‌ن چه‌ندین به‌هره‌ی جیاوازن و ده‌توانن هه‌موو پێكه‌وه‌ ئه‌نجام بده‌ن. هەوارگە كریم ڕەشید یه‌كێكه‌ له‌و ئافره‌ته‌ به‌هره‌مه‌ندانه‌ كه‌ خاوه‌ن سه‌لیقه‌ و به‌هره‌ی جیاوازه‌.
ئه‌م خاتوونه‌ له‌ ساڵی  ١٩٨٧لە دوز خورماتو له‌دایكبووه‌ و ئێستا دانیشتووی قەزای چۆمانە، سەرەڕای کاری پیشەیی خۆی ئافرەتێکی بەتواناو لێهاتووە چەندین کاری جیاواز ئه‌نجام ئه‌دات وه‌ك: كاری چنین، دوورین و وێنەكێشان.
 هه‌وارگه‌ بەشداری لە سەرجەم یادەكانی چۆمان ئه‌كات و کاری  شانۆیی و گورانی بۆ منداڵان ئامادە ئەکات، له‌و باره‌یه‌وه‌ ئەڵێت: ئەگەر هەر کەسێک بیەوێت ئەتوانێت کار بکات وبژێوی ژیانی خۆی په‌یدا بکات.
 خاتوو هەوارگە چەندین کاری  خۆبەخشی ئەنجامداوە بۆنمونە چەند قوتابخانه‌ و یاریگاو نەخۆشخانەی چۆمان و باخچەی ساوایانی بەخۆبەخش بۆیه‌ کردوون  و وێنەی لەسەر کێشاون، هه‌روه‌ك خۆی ده‌ڵێت: هەرگیز کۆڵ نادەم و بەردەوام ئەبم.

چۆمان حسێن

Designed and developed by AVESTA GROUP