لەپارێزگای هەڵەبجە ئافره‌تێك کارگه‌یه‌کی سابوون دروستکردن دەکاته‌وه
شەیدا كچێكی تەمەن 21ساڵە و دانیشتووی
ناحیەی سیروانە، قوتابی قۆناغی چوارەمە لە بەشی فیزیا لەزانكۆی سلێمانی.
شەیدا حەزو خولیای ئەوەبوو خۆی
داهێنانێک ئەنجام بدات و کارێک بکات جیاواز لەکارەکانی دیکە لەناوچەکەدا. حەزی شەیدا
بۆ کارەکەی لە ڕێی تۆڕە کۆمەڵایەتییەکانەوە بەشداری لەچەندین خول وفێركاری دروستکردنی سابونی کردوە، ئەوەی ڕۆژێک لەڕۆژان
لای خەون بوو لێی بوو بەڕاستی و توانی سابوون درووست بکات.
سەرەتا لە ماڵەوە دەستیپێکرد و لە ڕێگای ئۆنلاینەوە
بە رهەمەکانی دەفرۆشت، ڕۆژ لەدوای ڕۆژ کڕیارانی
زیاد دەبوون، دواتر بەڕێکەوت لە تۆڕەکۆمەڵایەتیەکانەوە ئاگاداریەک دەبینێت کە رێكخراوی UNDP هاوکاری دارایی دەبەخشێتە داهێنەران و خاوەن کارانی
ناوازە له عێراق و سوریا، فۆرمەکە پڕ دەکاتەوە و لە نێوان 3000 سێ هەزار کەسدا تەنها
10 فۆرم وەر دەگیرێن و شەیدا یەکێک دەبێت لەو دە کەسەی کە فۆرمەکەی وەرگیرا، پاشان
بە پاڵپشتی دارایی ئەو ڕێکخراوە پەرە بەکارەکەی دەدات و كارگەی نیلۆفەر بۆ دروستکردنی
سابوون و شامپۆ دادەمەزرێنێت، لەم کارانەشیدا
هەرلەسەرەتاوە دایک و باوکی هاندەرو پاڵپشتی بوون.
شەیدا ئاواتەخواز ەبەرهەمەكانی
ببنە براندێكی جیهانی بە لۆگۆی كوردستانەوە بناسرێت ولە داهاتوشدا هەلی كاربۆچەندین
ئافرەتی دیكه بڕەخسێنێت.