خوێندنهوه زهروورییهتی ژیانه
خوێندنەوە
بریتییە لە وەرگرتنی هەموو ئەو بابەتانەی کە نووسراون و لەبەرچاومانن، خوێندنـەوە ئارەزوو نییە، بەڵکو
یەکێکە لە پێویستییە سەرەکییەکانی ژیانی مـرۆڤ، خوێندنەوە خۆراکی مێشک و رووحمانە،
پێویستییەکی گرنگە بۆ گەشەکردن و زاخاودانی هۆش و هزر و بیر و زەینمان، کلیل و
دەروازەیەکە بۆ وەرگـرتنی زانیـاری و زانسـتی و بابـەتی هەمەڕەنـگە، دەلاقـەیەکە
کە لە میانـەیەوە دەتوانین زانستی و رۆشنبیری و داهـێنان و زادەی ئەنـدێشە و بیری
کەسانی تر ببینین.
خوێندنەوە ئەبێتە هۆی تێگەشتن لە ڕێڕەوی
مرۆڤایەتی و هەموو شارستانیەتە مرۆیی و فەلسەفی و مێژووی و ئاین و فیکریەکان تا
هەنووکە و دیراسەکردنی بۆ دروستکردنی ڕوئیایەکی ڕوون بۆ داهات و ئامانج و پێگەیشتن.
خوێندنەوە بە هەموو لایەنەکانەوە وەک: ئاینی ،فەلسەفی، دەرونی، کۆمەڵایەتی ،مێژووی
،زانستی، پزیشکی، فەلەکی، سیاسی ، پەرەپێدان ، پیشەسازی و ئابووری …هتد گرنگن بۆ
گەشەی تاک و کۆمەڵ و پێشکەوتن لە هەموو لایەنەکاندا واتە خوێندن و دیراسە و
توێژینەوە هۆکارێکن بۆ باشتر کردنی ژیانی مرۆڤ، (سـتـیل) دەڵێ:" خوێندنــەوە
وەرزشـی مێشکمـانە.
مامۆستا جاسم محهمهد مامۆستای زانکۆ لەم
بارەیەوە وتی: گرنگە بە پێی پسپۆڕی خۆمان بخوێنینەوە بۆ ئەوەی بتوانین لە بوارێك
خزمەت بکەین نەک ببینە توتی و خوێندنەوە بۆ قسەکردنی بێ گوفتاربێت، ئەمەش مانای
ئەوە ناگەیەنێ کە بوارەکانی تر فەرامۆش بکرێن بەڵکو بخوێنرێنەوە لە پاش ئەوەی کە
بواری خۆتت کامل کرد. کە بواری خۆت ئەکاتە خوێندنەوەی ستونی و بۆ سەرەوە ،
خوێندنەوەی لایەنەکانی تر دەبێ ئاسۆی بێت. ڕەشبینی و بە خراپ ڕوانین و تێڕوانینی
ڕەشبینانە گرفتێکی دەروونیەو دەرئەنجامی خراپی دەبێت لەسەر تاکی خوێنەر و وە
لەویشەوە بۆ تاکەکانی تری کۆمەڵگا.
هەروەها
ماموستا سەمیرە حسێن ئاماژهی بۆ ئهوه كرد كه خوێندنەوە پێوستە بۆ ئامانجێک
بخوێنرێتەوە بێ ئامانج خوێندنەوە یەکێکە لە کێشە گرنگەکان، هەیە بۆ خۆشی و هەیە بۆ
کات بەسەربردن و هەشە بەس بۆ چێژ دەیخوێنێتەوە کە بەڕای من ئەم حاڵەتە بە
بەردەوامی کێشەیەو خزمەت ناکات و هیچ بەرهەمێکی فیکری نابێ، ئەمەش مانای ئەوە نیە
ئێمە چێژ لە خوێندنەوە نەبەین نا گرنگە ئەو بوارەی دەیخوێنینەوە بە حەزی خۆمان بێت،
بەڵام ئامانجە سەرەکیەکە چێژ نەبێ بەڵکو سود و گرنگی بێتخوێندنەوە ئەبێ سود بەتاکو
کۆمەڵ بگەیەنێت.
٭خاتوو
زهینهب عهلی وتی خوێندنەوە تەنها کتێب نیە، تەنها نوسین نیە بەڵکو گەڕان و
توێژینەوەو وردبینی و تێبینی و بیرکردنەوە دەگرێتەوە، دەتوانین بەباشی سودی لێ
ببینیین وەک هەر بوارێکی تری خوێندنەوە. پێویستە پڕۆسەی خوێندنەوە لە بواری
پەروەردەو لە ناو ماڵەکانەوە دەستپێ بکات دواتر بۆ قوتابخانە ناوەندی و
دواناوەندیەکان و تەنانەت زانکۆ. هۆشیاری بڵاوکردنەوە بۆ خوێندنەوە لە ڕێگەی خول و
سیمینار ۆرکشۆپ و ڕونکردنەوەی شێوازەکانی خوێندنەوەو ئاستەکانی و سودەکانی و
دەرئەنجامەکانی بکرێت بۆ چینە جیاوازەکانی کۆمەڵگا بە پێی پێداویستی و خواستی
کۆمەڵگه.
له کۆی هەموو ئەو زانیاریانەی پێشو
بۆمان دەرکەوت کە خوێندنـەوە بەشـێکی گـرنگە لە زمـان، بەشـێکی تەواوکـەریشە لـە
دروسـتکردنی ژیـانی کەسێتی تاك و تەنها رێگـەشە بۆ داهـێنان و بۆ دروستکـردنی
داهـێنـەران و نووسـەران و بیرمەنـدان و هونەرمەنـدان. هەروەهـا خوێندنـەوە
بناغـەی پـەروەردە و فـێرکردنیشە، لەم سەردەمەشـدا، خوێنـدنەوە تێـکەڵ بـە
ژیانـمان بـووە و بۆته بەشــێک لـە ژیـانی رۆژانەمـان. پەرتووک و گۆڤـار و سایتە
ئەلیکترۆنییەکان هێندە زۆر و هەمەچەشنەن، هەرکەسێک بیەوێت دەتوانێت بیانخوێنێتەوە،
چێژ و خۆشی و سوودیان لێوەربگرێت، گرنگی و چـێژی راستیی خوێنـدنەوەش، ئـەو
خوێنـەرانە دەیـزانن، کە رۆژانـە خولـیای خوێندنەوە بوونە و ناتـوانن بەبـێ
خوێنـدنەوە هەڵبکەن.
دیانا
یاسین – خانهقین