ژیان ئاڤاهیا ئیدریس بارزانی خەمەكا گران و ژدەستدانەکا مەزن بوو بۆ گەلێ كورد
ژیان ئاڤاهیا ئیدریس بارزانی خەمەكا گران و ژدەستدانەکا مەزن بوو بۆ گەلێ كورد
37سال ب سەر ژیان ئاڤاهیا سەركردێ مەزنێ كورد و ئەندازیارێ ئاشتیێ و ئێك رێزیێ و پێكەڤە ژیانێ ئیدریس بارزانی نەمر دەرباز دبن .
ئیدریسێ نەمر هەمی ژیانا خۆ دگەل شورەشێن كوردی و پارتی دیموكراتی كوردستان دا بوراندن شییا وەک سەركردەیەكێ مەیدانی بێتە د قادا خەبات و شورەشێ دا و ئەركێن سەر ملێ خۆ ب سەرکەفتیانە ئەنجام بدەت و زور ب هویری د ژیانا شورەشگێریێ و پارتایەتیێ و جڤاكێ كوردستانێ گەهشت بوو د گوپیتكا رێزگرتنێ وسادەیێ دابوو ، هەمی خەسلەتێن مرۆڤایەتیێ و جڤاك ناسینێ ل بارزانیێ نەمر و مەزن وەرگرتبوو .
ئیدریس بارزانی ژ لایێ سیاسی ڤە كەسایەتیەكێ شەهرەزا و لێزان بوو ب ئەزموونا خۆ یا دویر و درێژ دگەل شورەشێ خودان هزر و رامانێن دوربین بوو و هەلگرێ كلیلێن ڤەكرنا دەرگەهێن بەختەوەریێ و ئاشتەوایێ بوو ،جهێ شانازیێ و باوەریا خەلكێ كوردستانێ بوو لەوما ژیان ئاڤاهیا ئیدریس بارزانی خەمەكا گران و ژدەستدانەکا مەزن بوو بۆ گەلێ كورد.
بیرەوەریا سەرکردەیێ شورشگێر دھزرا تەڤ ئازادیخوازێن گەلێ مە ب زیندی دێ مینتەڤە ، سلاڤ ل خەبات و فیداكاری و بەرخودان و خوراگریی و مەزناهیا شەهیدێ سەركردە و ئەندازیارێ ئاشتیێ شەهیدێ جوانەمەرگ ئیدریس بارزانی .
سەرێ رێز و تەقدیرێ دچەمینین بۆ گیانێ پاكژێ شەهیدێن رێكا رزگاریخوازیا كوردستانێ و سەركاروانێ شەهیدان بارزانیێ نەمر و مەزن .
دلڤین شەمال
٣٠ ی کانوونا دووێ ٢٠٢٤ ێ