هەمى روژ بومە 8 هەشتى مارسن

ژبلى بلند راگرتنا هەموو وان قوربانى و دەستکەفتێن ئێک لدیف ئێک ژ پێخەمەت پاراستن و دەست بەر نە دان ل مافێن خوە .ئافرەتێ بەردەوامى دایە کاروانێ خوەیێ پێشڤەچوونێ ، پر ژدل پیرووزباهیێ ل هەموو ژنێن کورد دکەم ب تایبەت ئافرەتێن ل کوردستانێ ،وان دەیکێن ل چول چیا قوربانى و ماندیوبن دیتى و وان ئافرەتێن نها ب پێگەهاندن و قەلەک و هێز و شیانێن خوە خزمەتێ دکەن.
 هەشتى مارس د مێژوویا خوەدا تایبەت مەندیەک بو ژنێن جیهانێ هەیە لێ دراستى دا بو ژنێن کورد هەموو روژ هەشتى مارسن ژبەرکو زوور نەهامەتى و کێم وکاسى و قوربانى و بەحسکرنێن نەجوان و نەفرەتێن کومەلگەهێ هێشتا ئافرەت یا قوربانیێ بو ددەت ..
لێ سەرەدراى وان هەموویان نوکە تا رادەیەکێ باش ئافرەتا مەیا کوردستانێ بەرەف ئاسویەکى َگەش و پر ئومێدتر چویە و شیایە ببیتە جهى َبریارێ ل شوینا هەردەم جهێ جێبەجێکرنێ بویە و شیایە پشکەک بیت ژ وێ باوەرى و رێڤەبەراتیا ل دام و دەزگەهێن میرى مل ب ملێ زەلامى کۆ ئەڤەژى هەیبەتەکا دیە دەما کۆ دبینین دکومەلگەها مەدا دیر ژ رەگەز پەستى یێ ئێک و دوو قەبیل دکەن لێ دیسان ژى ئەڤە بەس نیە کۆ بێژین ئەم درازینە ژبەرکۆ هندى ئافرەت لسەر بنیاتێ مەزاهرا بهێتە تەقیم کرن و ئوکەى بو بهێت واتا هێشتا جورە توندو تیژیەکا پێڤە دیارە لەوما د بیرەوەریاندا ژهەموویان گرنگتر ئەوە بێژین( ئەم ئافرەتین نەبەس جەستە بەلکۆ هێز و شیانین )، ئەف درو شمە بویە دروشمێ ئەف سالە یێ ئێکەتیا ئافرەتێن کوردستانێ . ئەڤجا ژبو پتر بەرز پیرووزیا مروڤاتیێ پێتڤى یە پتر رێز ل هەبونا ئێک بگریت و ئێک قەبول بکەین وەک مروڤ  و پاشان هەبونا وێ ژنا ژیانێ دئافرینیت ب پیرووزى ببینین چونکە ئافرەت ئەو کەسەیە یاکو ژیان دگەلدا و ژیانێ بەلاف دکەت بویە خزینەیا هەمى سەردەما تایبەت لڤى دەمى دبیاڤێ هەمووکار و چالاکى و بریاراندا و ئەو ئافرەتە یا دەیک و باب و کچ و کور  ژێ دروست دبن ئەو ئافرەتا سەرکردە و زانا و رەوشنبیران دئینتە هەبونێ و مەزن دکەتن ، ئەڤجا هەر ژ کەڤن دا تانوکە تایبەت بەحسا ئافرەتا کورد بکەین د سەختترین بارودوخ دا ژیایەو هەموو ئەو سەختیە قەبولکرینە ژ پێخەمەت رازیکرنا زەلامى و نەهەتکبەریا زەلامى و راگرتنا مال عەشیرەت و کومەلگەه و جڤاک ومللەتێ خوە ، لێ ژبیرنەکەین زووربەیا جاران ئەو بویە قوربانى . دبەرامبەردا زەلام هەروەک خوە ژیان خواستیەو بریە سەرى . وەکى دیار دکومەلگەهامەداسەرەراى گوهرینیێن سیاسى و ئابورى و کومەلایەتى پێنگاڤێن حکومەتا هەرێما کوردستانێ گرتنەبەرا رێکارێکارێن یاسایى ،کارێن رێکخراوێن مەدەنى  رژدى کارکرن لسەر مافێ ئافرەتێ و پێنگاڤێن بەلافکرنا هوشیاریەکا ساخلەم ئەڤە بوینە ئەگەر کو گوهرینێن باش لدەف ئافرەتى َدروست ببن و پتر هەست ب هەبون هێزو گرنگیا خوە د جڤاکى دا بکەت و گەهشتیە قوناغەکێ کوئێدى  پاشڤە زڤرین بونیە و هەرتشتێ نەهێژاى هەبونا وێ قەبول ناکەت و بویە خودان بریار دهەموو بیاڤەکێ دا . نەک بتنێ ژبو نڤستنا دگەل زەلامى و ئینانان زاروک و کارێ مالێ بژیت . لەوما لدوماهیێ پیرووزباهیێ ژبلى ئافرەتێ ل هەموو وان زەلامان ژى  دکەم یێن وەک مروڤ و هێز و شیان سەح دکەنە ئافرەتێ نەک بتنێ وەک جەستە .