ئافرەت و سەرکەڤتنا پارتی ل هەلبژاردنێن عیراقێ دە
هەلبژاردن ئێک ژ ستوونێن دیموکراسیێ یە ل جیهانێ،بەلێ هندەک وەلات وەک ماف
دزانن و هندەکێن دی وەک ئەرک ناسدکەن.
ئەگەر ماف بێت یان ژی ئەرک بێت ئافرەتا کورد رۆلەکی ئێکجار مەزن دیت ل هەلبژاردنێن
بەرلەمانێ عیراقێ دە بتایبەت ئەوێن لناڤ رێزێن پارتی دیموکراتی کوردستان دە کار دکەن
چ کادر بن یان ژی ل هەر پلە و پۆستەکی دی
بن،بێ گومان ئافرەت ڤێ جارێ بوویە ئێک ژ ژێدەرێن
سەرەکییێن سەرکەڤتنا هەلبژاردنا ل کوردستانێ دە نەخاسمە قوتابیێن ڕێبازا پارتی و
بارزانی چ لبوارێ بڕێڤەبرنا پرۆسسا هەلبژاردنێ
دە چ ب دەستڤەئینانا کورسکێن بەرلەمانی یان
ژی هشیارکرن و رۆشنبیرکرنا خەلکێ دە ژ بۆ دەنگدانێ هەر ژ دەستپیکا تۆمارکرنا دەنگدەران
دروستکرنا کارتێن بایۆمتری هەتا بگەهیتە بانگەشا هەلبژاردنێ و هەتا قۆناغا دوماهیێ
ل رۆژا دەنگدانێ وەک هەر تاکە کەسەکی بەشداری ل ئەرک و مافێ خۆدا کرن بەلکۆ خەلک
هاندان بەرەو سندووقێن دەنگدانێ و بوونە ڕێنیشاندەر ژ بۆ دەنگدەران بۆ بەربژێرێن
پارتی دیموکراتی کوردستان ،ئافرەت ڤێ جارێ بوویە ستوونەکا مکوم ژ بۆ بهێزکرنا پیگەهێ
پارتی دیموکراتی کوردستان ،ناهێتە هنداکرن دلسۆزێن رێبازا پارتی و بارزانی ب دەنگین
خۆ سەرکەڤتین و کۆتا لشوێن خۆڤە هێلان.
سەرەرای هەمی ئاستەنگان نەخشەیێ جارێن بۆری گوهرین و رۆلەکی بەرچاڤ دیتن ل
گۆرەپانا سیاسی دە بۆ نموونە هندەکا ژ وان ب هەزارێن دەنگان ژ زەلامان پتر دەنگ بدەست
خۆڤە ئینان و چ گرنگی نەدان کۆتا .