ڕەوتی کۆمەڵ بەدەست ئافرەتە
پیاوان
و ئافرەتان بناغە و درێژە پێدەری مرۆڤایەتین، بەڵام ئافرەت وەک نیوێک لە کۆمەڵگە و
دایکی نیوەکەی تری ڕۆڵێکی ئێجگار گرنگ و کاریگەر دەبینێت لە ڕێڕەوکاری کۆمەڵگەدا
دەکرێت ڕۆڵەکانیش خۆیان لەدوو لایەن ببیننەوە چ وەک بەلاڕێدابەرێک یاخود پێشگەرێک.
بێگومان
ئەم کاریگەرییە مەزنەی ئافرەتانیش خۆی لە ڕۆڵە جیاواز و هەمەلایەنەکانی دەبینێتەوە
لەنێو کۆمەڵدا لەهەموو شوێن و ئاست و تەمەنێکدا.
هەر
وەک دایکێک و پەروەردەکارێک دەتوانێت ڕۆڵێکی بنەڕەتی بۆ ڕێڕەو ڕەوتسازاندنی ژیان و
کۆمەڵگەدا ببینێت بۆ منداڵەکانی، ئینجا ئەگەر بێینە سەر ئەوەی منداڵەکە کچ بێت
واتا دووبارە پەروەردەکارێک لەژێر دەستی پێدەگات و پەروەردە دەکرێت، ئا لێرەدا
ڕۆڵەکەی ماوە درێژ و کاریگەرتر دەبێت بەسەر کۆمەڵگەدا.
بەپێویست
دەزانرێت لەسەرمان باس لەوە بکەین چی بکرێت و چۆن وابکەین ئافرەت لەو ڕۆڵ و
کاریگەرییە گرنگەیی کە هەیەتی بەسەر ژیان و کۆمەڵ ڕۆڵی ئەرێنی و بنیاتگەر بگێڕێت،
نەوەک هۆکار بێت بۆ دواکەوتویی و داڕمان و
بەڵاڕێدانی ڕەوتی ژیان و کۆمەڵ.
گرنگترین
خاسیەت کە پێویستە لە ئافرەتدا هەبێت هەستی بەرپرسیاریەتیە بەرامبەر بەو ڕۆڵ و
پێشهاتە خوڵقێنەرانەیی لە ژیانیدا دێنە ڕێیی، واتا لە قازانجی ژیان و کۆمەڵ بریار
بدات و هەڵسوکەوت بکات.
دەبێت
مێ لەهەر ڕۆڵێکیدا چ وەک دایک کچ هاوسەر و خوشک هەتا هاوڕێشدا تێگەیشتنێکی دروستی
بۆ ژیان هەبێت و بەبایەخەوە لە ڕۆڵ و کاریگەریەکانی بڕوانێت.
گومان
لەوەدانییە تێگەیشتنە دروستەکانیش لە پەروەردەیێکی دروست و بە دونیا دیدەیی و
خوێنەری و ڕۆشنفکری دێنە بوون، نەک وەک بەندکراوێک و زیندانی کراوێک ژیانیان لێ
قەتیس کرابێت و سنوری ژیان ئێجگار لێ تەسک بکرێتەوە و هۆیەکانی تێگەیشتنیان لێ
وەدور بخرێن. دواتر چاوەڕوانی ئەمەیان لێبکەین کە بە دروستانەی لەگەڵ هاوڕەگەزانی
و ڕەگەزەکەیی تر ژیان بەرەو پیری دروستکاریدا ببەن.
چونکە
ئافرەت وەکو کەسی دووەم مامەڵەی لەگەڵ دەکرێت لە کۆمەڵگەی کوردیدا پیاوان ڕۆڵێکی
سەرەکی دەبینن لە تێگەیشتنەکانی ژن بۆ خۆیی و دەوروبەری، بۆیە ئەرکی سەرەکی بۆ
هاندان و هێنانە پێشەوەی ئافرەتان دەکەوێتە دەست پیاوان.
گرنگترین
شت پێویستە ئافرەت لەنێو چاڵاکیەکانی ژیان و کۆمەڵگە تێکەڵ ببێت لەڕووی کۆمەڵایەتی
و بڕیاردان ڕۆڵ ببینێت، دەبێت هەلی ئەوەیی
پێبدرێت بڕیار لەسەر بابەتی گرێدایی بە ژیان بدات بۆ ئەوەیی بڕوا بەخۆبوونی زیاتر
ببێت و کارامەییانەتر و دوورتر تێڕابمێنێ و بڕیاری دروستتربدات وە ڕەنگدانەوەیێکی
ئەرێنی بخوڵقێنێت بەسەر ڕۆڵەکانی.
وە
پێویستە ئافرەت کەسایەتیێکی دروستکەر و هاندەری هەبێت بۆئەوەیی لە لە ڕەوتسازی
ژیاندا باشترین کاریگەری دروستبکات کە کاریگەریێکی ئەرێنی و دروستکەرە.
بە
هەبوونی ئەم دەرفەت و ڕۆڵانە ئافرەت بەتەواوی ئامادە دەبێت بۆ پەروەردەکردنی
تاکێکی بەئاگا و هۆشیار.
گرنگە
مێ ڕەگەزەکانیش وەک مرۆڤێک بێجیاوازیانە پەروەردە بکرێت و پشتگوێ نەخرێت وەک
ڕەگەزی دووەم وەک بێ ڕۆڵ و کاریگەریێک لێی بڕواندرێت، بە بەرپرسیاریەتی پەروەردە
بکرێت بۆ ئەوەیی بەرپرسیار بێت لەبەرامبەر ئەو بەرپرسیاریەتیەی کە وەکو دایک و
پەروەردەکارێک لە ژیانیدا دەیبینێت.