روژا جیهانیا زارۆکان پیرۆزبیت
روژا جیهانیا زارۆکان پیرۆزبیت
ب هەلکەفتا 6/1 رۆژا جیهانیا زارۆکان جوانترین پیرۆزباهیێن خوە ئاراستەی نڤشێ داهاتیێ وەڵاتی دکەم ، ب تایبەت زارۆکێن سەربەرزێن شەهیدا و پێشمەرگەهێن قەهرەمان؛ هیڤیا ژیانەکا سەقامگیر وبەختەوەر ژبوو تەڤ زارۆکان دخازم بپەروەردەکرنەکا دروست لسەر بنەمایێن ڤیانا وەڵاتی و ڤیانا خێزانی و ئازادی و دادپەروەری و دیموکراسیێ و لێبورینێ.
جیهانا زارۆکان جیهانەکا پاقژە ،پێدڤیە هەر ئێک ژمە گرنگیەکا تایبەت ب ڤێ جیهانێ بدەتن؛ ئەم هەمی د ڤێ جیهانێدا دەربازبووینە ب قوناغێن جیاواز ب خوشی و نەخوشیان ڤە ، پێدڤیە نڤشەکێ تەندروست و بەختەوەر بەرهەم بهینین زارۆکێن مە هەست ب ژیانبوونێ بکەن .
١-٦ رۆژا جیهانیا زارۆکان ئەو رۆژە کو ل سەرتاسەری جیهانیدا
ژبوو زارۆکان هاتیە دانان ، هەر سال دڤێ رۆژێدا تەڤ رێکخراوێن تایبەت ب پاراستنا مافێن زارۆکان رادبن ب ئەنجامدانا کارو چالاکێن جیاواز، ب مەرەما دابین کرنا ژیانەکا باشتر ، ئارمانجەکا دن ل ساخکرنا ڤێ رۆژێ گازیا پێکڤە ژیانێ نەهێلانا جوداهیێ دناڤبەرا واندا ، ژ روویێ ره‌گه‌ز و نەتەوە و ئاین و ره‌نگێ پیستی، دابینکرنا تەڤ مافێن زارۆکان، کو گرنگترین مافێن وانا ( مافی ژیانێ ، دابینکرنا جهێ ڤەحەواندنێ ، مافی خوێندن ، پاراستن ، چاره‌سه‌رێن پزیشكی ، یاری كرن ، رێزگرتن ژ هزر و بیرو و بووچوونان ) ، هەڤدەم گرنگی دان ب هێز و شیان و هیڤی و ئارمانجێن زارۆکان .
لسەر ئاستێ هەرێما كوردستانیێ ساڵانه ئەڤ یادە دهێت ساخکرن ،ژلایێ حکومەت و رێکخراوێن پاراستنا مافێ زارۆکان ب ئەنجامدانا کاروچالاکێن جودا .
ب درێژاهیا دیرۆکێ زاروکێن مە یێن کورد ژیانەکا سەخت و دژوار بۆراندیە هند جاران ژ بەر رەوشا کوردستانێ یا وی سەردەمی نەشیاینە بخوینن خەبات بو ئازادیا کوردستانێ کریە ،هەڤدەم د نهادا هژمارەکا زۆر ل زارۆکان بێ سەرپەرشتن ل سەر جادەیان کاردکەن ؛ ژیانەکا سەخت د بورینن ، ئەڤەژی مەترسیە ل سەر گومەلگەهێ مە یێ کوردی و ژیانا وان زارۆکان هیڤیا مە ئەوە کە ئەڤ دیاردە دناڤا کومەلگەهێ مەدا نەمینیت ، لایەنێن پەیوەندی دار کارەکێ موکومتر ل سەر ڤێ دیاردێ و هند ئاریشێن دن یێن زارۆکان بکەن و ژیانەکا سەقامگیر بهێت دابین کرن بگەهنە هەمی مافێن خوە تاکو ل داهاتی دا نڤشەکێ تەندروست و نیشتیمان پەروەر بەرهەم بهینین .