پێنگاڤەك نوی بو بەلاڤکرنا بیروکا یەکسانیا جێندەری

پرسی ئافرەتان
5 رۆژ پێش ئێستا


سەنتەرێ یەکسانیا جێندەری ل زانکویا زاخو هاتیە دامەزراندن ب ئامانجا وێ چەندێ کو یەکسانیا جێندەری بکەتە بابەتەك بەربەلاڤ ناڤ جڤاکی دا، نازدار عارف بەرپرسا سەنتەرێ یەکسانیا جێندەری بو مە بەحس ل دامەزراندنا ڤی سەنتەری کر.

بیروکا ڤەکرنا سەنتەرێ یەکسانیا جێندەری ل زانکویا زاخو بیروکەیەك بوویە هاتیە هزر کرن ژ لایێ ئەنجومەنێ کاروبارێن خانمان ڤە. ل دەستپێكێ مە بیر ل هندێ کر کو یەکەیێن جێندەریێ هەبن ل وەزارەتا چونکی وی دەمی ئەنجومەنێ باڵا بتنێ پێن وەزارەت ئەندام بوون د کاروبارێن خانمان دا وەك وەزارەتێن خواندنا بلند و ڤەکولینێن زانستی و پەروەردە و کاروبارێن کومەلایەتی بەلێ پاشتر مە هزر ل وێ چەندێ کر کو بەرفرەهـتر ببیت و د ناڤ کومەلگەهی دا ناڤ و دەنگێ خوە هەبیت، هەروەسا مە خواست ئەڤ بابەتە پتر بهێتە باسکرن د ناڤ جڤاکی دا دا کو بهێتە زانین یەکسانیا جێندەری چیە و چەوایە و دێ چەوا شێن ڤێ یەکسانیێ بکین کریار و هەر دوو ڕەگەز بزانن کو یەکسانن و ژ بەر ڤان ئەگەران مە هزر کر ئەم ڤی بابەتی بکین کورس د ناڤ بەشێن خواندنێ ل زانکویا، چونکە ب مخابنی ڤە تا نوکە یەکسانیا جێندەری و زاراڤێن پەیوەندیدار گرنگیا پێتڤی پێ نەهاتیە دان.

پێشنیار هاتە کرن بو سەروکێ حکومەتێ و ب هەڤکاریا ئەنجومەنێ کاروبارێن خانمان وەزارەا خواندنا بلند کونفەرانسێ پەرەپێدانا سەنتەرێ یەکسانیا جڤاکی ل زانکویێن کوردستانێ ئەنجامدان و د ڤی کونفەرانسی دا پیشنیار هاتە کرن بو سەروکێ حکومەتا هەرێما کوردستانێ و ئەڤ پێشنیارە هاتە پەسەند کرن و ئەڤ سەنتەرە هاتە دامەزراندن ل سەرجەم زانکویێن کوردستانێ ێن حکومی و تایبەت ، ئەڤ هزرە ل سالا ٢٠١٩ێ پەیدا بوو و ئامانجێن مەزن هەنە و هەوڵ دهێتە دان کار و چالاکیین بەرفرەهـ ئەنجام بدت بەلێ ژ بەر کاودانێن ئابوری و ساخلەمی ئەڤ چالاکیە هاتینە پاشخستن.

د ئامانجێن سەنتەرێ یەکسانیا جێندەری دا هەیە ڤەکولینێن ئەکادیمی بهێنە ئەنجامدان دەربارەی یەکسانیا جێندەری و چارەسەرکرنا ئاریشێن وان و ئەگەرێن وان . داخوازا مە ژ رێکخراوێن مافێن مروڤان و ژن و جڤاکێ سڤیل هاریکار بن لگەل مە دا کو پێنگاڤێن باش بهێنە هاڤێتن د ڤی بواری دا.

شه‌یما مسته‌فا

Designed and developed by AVESTA GROUP