ئافرەتێکی نایجیری بووە سەرۆکی رێکخراوی بازرگانیی جیهانی
ئینگۆزی، خەڵکی نایجیریایە و تەمەنی 66 ساڵە، دەبێتە یەکەم ئافرەت و یەکەم ئەفریقییەک، کە پۆستی سەرۆکی رێکخراوی بازرگانیی جیهانی پێدەسپێردرێت.
164 وڵات لە جیهاندا ئەندامی رێکخراوی بازرگانیی جیهانین. ئینگۆزی بەرپرسی یەکەمی رێکخراوەکە دەبێت کە ئەرکی رێکخستنی یاسا و رێسا بازرگانییەکانی لە ئاستێکی نێودەوڵەتی پێدەسپیردرێت.
جگە لە دانانی یاسا و رێساکان، رێکخراوی بازرگانیی جیهان هەروەها ئەرکی یەکلاییکردنەوەی کێشە بازرگانییەکانی نێوان وڵاتانی ئەندامی لە ئەستۆدایە.
ئینگۆزی بەبۆنەی دەستبەکاربوونی وەک سەرۆکی رێکخراوەکە رایگەیاند هەوڵدەدات بۆ ئەوەی کاروباری بازرگانی لە ئاستی جیهاندا هاوسەنگ و دادوەرانە بکات.