رێزان ساڵح: له‌ ماڵێكی گوندێك له‌ دەڤەری بارزان، مۆزەخانەیەکی کلتوری و کەلەپورییمان داناوە

رێزان ساڵح، لە دایكبووی  ساڵی 1987  و نیشتەجێی گوندی بازێ - ناحیەی بارزان - قەزای مێرگەسۆره‌.
فەرمانبەره‌ له بەرێوەبەرایەتی کاروباری شەهیدان و ئەنفالکراوانی بارزان، سەرەرای کارەکەی کاری نوسین دەکەم و خاوەن سێ كتێبی چاپکراوه‌، هەروەها هه‌ندێك كات لە تۆرەکانی کومەڵایەتی بابەتی فێرکاری جوار و جۆر بڵاودەکاته‌وه‌.
 رێزان سه‌باره‌ت به‌ كلتور ده‌ڵێت: کلتور ناسنامەی هەموو میلەتێکە، پاراستی کلتور و دابونەریت ئەرکە لەسەر شانمان کە بیپارێزین وهەوڵ بۆ زیندوکردنەوەی بدەین.
نەوەكانمان ئاشنای کلتور و ژیانی باب و پابیرانمان بن، من و هاوسەرم هەوڵمانداوە لەرێگەی کەناڵێکی تایبه تی یوتیوب کلتور و کەلەپور و کەرەستەی کونی باوانمان  بدەینە ناسین. من ئافرەتێکی لادێم و لە لادێیەکی دەڤەری بارزان لە ماڵێکی گوندیدا مۆزەخانەیەکی کلتوری و کەلەپورییمان داناوە و بەبەردەوامی بەهەموو رێکا و شیوازیک هەولێ پاراستن و زیندوکردنەوەی کلتور ورەسەنایەتی و فەرهەنگ و دابونەریت دەدین.مەبەستمانە مۆزەخانەی ماڵی کلتوری بارزان ببێتە پردێک بو ئاشانبوونی بە کلتور و زیندوو راگرتنی.
لەم ماڵەدا دەیان بەش هەن و هەزران کەرەستەو کەلوپەلی کلتوریمان کۆکردۆته‌وه‌ و پاراستوومانه‌، میوانان سەردانمان دەکەن و ساتێکی پڕ لە مه‌فا به سه ردەبەن.

بەشەکانی موزەخانەی ماڵی کلتوری بارزان بریتین لە:
- پاراستن و  زیندوکردنەوەی کلتور و کەلەپوور، لەم بەشەدا نزیکەی 4000 چوار هەزار کەرەستەو جلوبەرگ و شتومەک و بابەتی کۆن نمایش و پارێزراون.
- دراوەکان، هەوڵمانداوە دراوی زیاتر لە 120 وڵات کوبکەینەوەو هەندێکیان لە موزەخانەکەمان نمایش بکەین.
- یادگارییەکانی خوێندن، لەو بەشەدا هەوڵمانداوە هەموو ئەو کەرەستە و کتێب و  ئەو بابەتانەی کە پێشوتر بۆ خوێندن بە کارهاتوون، کۆیان بکەینەوە.
- چێشتخانە، ئەم  بەشە لەم  کەرەستانە پێکدێت کە بژێوی ژیانی باب و باپیرانمان لەسەر بووە، زۆربەی ئەو قاپ و قاچاغانەی کە لە چێشتخانه‌ی جارانی کوردەواریدا بەكاردەهاتن.
- کارە دەستیەکان، لەم بەشەدا هەموو ئەو کارە دەستیانە دەپارێزرێن کە جاران دایکانمان هەم بۆ جوانکاری و هەم بو بژێوی ژیانیان چنیویانە.
- بەڵگەو دیکومێنت، لەم بەشەدا زیاتر لە دە هەزار بەڵگە و دیکومێنتی چوار و جۆر کە تەمەنی هەندێکیان نزیکەی دووسەد ساڵە ئەرشیف کراون، بە بەردەوامی مێژونوسان و توێژەران سودی لێ دەبینن، سەرەرای ئەمەش نزیکەی چل هەزار وێنەی فۆتوی و ئەلکترونی هەن کە ژیان و خەبات و قوربان دان و نەهامەتی و دەردە سەری کورد و کوردستان دەخەنە روو، زۆربەی دەزگا و کەناڵەکانی ڕاگەیاندن، سودیان لێ بینیووە.
- کتێبخانە، لەم بەشەدا هەزاران کتێب و سەر چاوەی جۆرا و جۆرهەن، کە بەردەوام قوتابیان و توێژه‌ران سەردانمان دەکەن و سودییان لێ دەبینن.
- کەرەستە و یادگارییەکانی شەهیدان لەم بەشەدا هەوڵمانداوە، کەلوپەل و یادگاری شەهیدان ئەرشیف بکەین.

- یادگارییەکانی جینۆساید و ئەنفالکراون لەم بەشەشدا کەرەستە و یادگاری ئەنفالکراوان پارێزراوان.
ئەمانەو دەیان بابەتی تر مەبەست له هەموو ئەمانە ناساندنی مێژوو شارستانیەتی کورد و کوردستانە و بەرای ئێمە ئەمانە گرنگ و پێوست بونەوەی نوێ و داهاتوو بمینن و بناسێندرێن.
وتەی من بو ئافرەتان، هیوادارم هەمیشە گەشبین بن هەروەها ئەگەر بەهرەیەکیان هەیە بو هیچ شتێک درەنگ نیە، بە بوێری جورئەتەوە کار و تواناکانیان بخەنە روو، چونکە من هیچ جیاوازییەک نابینم لە نێوان ڕەگەزی نێر و مێ هەردووکمان خاوەن هێز و تواناین، پێویستە هەریەکەمان بە پێی توانای خۆمان خزمەتی نیشتمان بکەین.

نیگار نجات