.خانەنشین بوونا یەکەم ئافرەتا فەرمانبەر ل قەزا ئاکرێ

خانەنشین بوونا یەکەم ئافرەتا فەرمانبەر ل قەزا ئاکرێ….


كوردێ حەسەن ساڵا 1963 ل باژێرێ ئاکرێ ژ دایکبوویە ل ماڵباتەکا کوردپەروەر و شوڕەشگێڕ بوویە،وەک یا خۆیایە ناڤهاتی یەکەم ئافرەت بوویە لسەر ئاستێ قەزا ئاكرێ ل سەرۆکاتیا باژێڕڤانیێ ل ساڵا 1980 بهێتە دامەزراندن ، د ئەڤڕۆدا و پشتی 44سالێن ماندیبوونێ و خزمەتەکا بەردەوام وبێدریخی هاتە خانەنشین كرن …
خواندنا خۆ هەر ل ئێک ژ قوتابخانێن هەمان باژێر دەست پێکریە و هەتا پولا سێ ئامادەیی چوویە ،ل ساڵا 1980بڕیارا دامەزراندنا هندەک فەرمانبەرا هاتەدان و ئەڤەژی دەرفەتبوو ژبوو من ؛ ئەز بەشداربووم دناڤا تاقیکرنێدا و شیام پلەکا باش بدەست خۆڤە بینم و بهێمە دامەزراندن ل سەرۆکاتیا باژێرڤانیا ئاکرێ ..
كوردێ زێدەتر دبێژیت ، خانەنشین بوونا من ب تایبەت ل ڤی دەمیدا نوچەیەكێ گەلەک نەخۆش و ب زەحمەت بوو ژبەرکو  ئەو فەرمانگەهـ بوو من مینا ماڵەکێ لێهاتبوو و دگەل تەڤایا هەڤکار و هەڤالێن کارێ خۆ ببوینە ئێک دەست و خێزان ، بەلێ خزمەتا کارکرن و تەمەنێ وێ گەهشتە 44ساڵان و بڕیارە د وی تەمەنیدا بهێنە خانەنشینکرن ..
هەروەسا كوردێ ئەو چەندە ژی دیاركر ، کو د دەمێ 44سالێن کارکرنا خۆ وەک فەرمانبەر ل ناڤا سەرۆکاتیا باژێرڤانیا ئاکرێدا شارەزایی د گشت کاروباراندا ل دەڤ پەیدا ببوو ، چونکی وەک یەکەم ئافرەت ڤیایە ئەرکەداریا خۆ بەرفرەهـ بکەتن و خزمەتا باژێرێ خۆ بکەتن ..
زێدەتر گوت و تەکەز کرە سەر وێ یەکێ د سەردەمێ کەڤندا و ب تایبەتی سالێن 80 ياندا جڤاک و کەتواریێ مە گەلەک یێ توندبوو ل هەمەبر ئافرەتێ و کارکرنا وێ ل دەرڤەیی مالێ دکارم ببێژم کو ب شەرم ل قەلەمددا و دگوت کار و خزمەتا ئافرەتێ بتنێ مالە وپەروەردەکرنا زارۆکانە و خزمەتکرنا زەڵامێ خۆیە و بگرە رێک پێ نەدهاتەدان کو بەحسا ماف و حەزیێن خۆ بکەتن و بخوینیتن و ئارمانجێن خۆ بجهبینیتن ، ژ بەر ڤێ یەکێ زۆر یا ب زەحمەت بوو ل ئاکرێ وەک یا دیار یا گرێدایە ب داب ونەریتن ڤە و نەخسمە هەبوونا کلتورێ زەڵام سالاریێ ئەڤە سەدەمێن هەرە سەرەکی و بەر بەڵاڤبوون ل وی دەمی ، و بێگۆمان سەدەمێن ئابووریی و سیاسی و هەبوونا ناکوکێن شەڕ و پێکدادانان ئەڤە ژی هندەک فاکتەریێن دیتر بوون کو ل وی دەمی ڕێگربوون کو ئافرەت ل دەرڤەیی ماڵ کار بکەتن و هەڤکاریا ماڵباتا خۆ بکەتن و ب تایبەت وەک فەرمانبەر ، لێ ماڵبات و هەڤژینێ من باوەرییەکا مۆکم ب من وحەز وئارمانجێن من هەبوون،ژبەر ڤێ چەندێ هەردەم وەک چیایەکێ بلند ل پشتا من بوون و رێکا خۆشکەر و پاڵپشت و پشتەڤان بوون کو شیام بەردەوام بم و بوو دەما ٤٤ ساڵان خزمەتەکا تژی دەستکەڤت پێشکێشی باژێر و وەڵاتێ خۆ بکەم ئەڤە مەزنترین هیڤیبوو بوو من. 
د بەردەوامیا گوتنێن خۆ ، دا دیارکرن پشتی دامەزراندنا من و پشتی دەربازبوونا چەندین ساڵان شێوازێ هزرکرن و دیتنا خەلکێ مە هەر وەک خۆ بوو ،لێ ئەڤ هزرکرنە ڕۆژ بوو ڕۆژیێ گوهڕین ب سەردا هاتن و ئەڤڕۆکە ئەز دبینم ئافرەتا مە نە بتنێ فەرمانبەرە بەلکی دکتورە ، ئەندازیارە ، شۆفێرە، ڕێڤەبەرە ، بازرگانە ……هتد ،د کارم ببێژم ئافرەت یا بوویە جڤاک ب تەمامی و یا مل ب ملی زەلامی کار دکەتن و ب دیتن ونەرینا خۆ یا زاڵ دبیتن لسەر هزرا داب ونەریت و کەتواریێ زەڵام سالاریێ ئەڤە ژی دەستکەڤتن بوو ئافرەتان ژ بوویی داهاتەکێ گەشتر و ب هیڤی تر…
ل داوایا هەڤپەیڤینا خوەدا ، خۆیا کر ژ بەر پێداگرییا من یا بەردەوام و پاڵپشتیا ماڵباتا من و لدویڤدا قبولکرنا جڤاکی بوو من بوو مە یەکەم ئافرەتا خانەنشینکراو ل سەرۆکاتیا باژێڕڤانیا قەزا ئاكرێ ،کو ل سەردەمێ شەڕێ ئیرانێ و عیراقێ هاتبوومە دامەزراندن .

ئامادەکرن
جیهان حجی_ئاکرێ